Siensacyjnaja znachodka na Miency — dla čaho našy prodki vykarystoŭvali hetu fihuru 1000 hadoŭ tamu?
Cikavaja viersija adnaho z historykaŭ — cmoki tut nie pry čym.
Pry raskopkach haradzišča na Miency znajšli zaamorfnuju fihuru, jakoj 1000 hadoŭ. Zahadčyk adździeła archieałohii Siarednich viakoŭ i Novaha času Instytuta historyi NAN Andrej Vajciachovič vykazaŭ mierkavańnie, što heta cmok ci inšaja žyvioła ź dziubaj.
Sama fihura, pa jaho słovach, była častkaj draŭlanych kleciaŭ, jakija znachodzilisia ŭ asnovie vała haradzišča i była zasypanaja ziamloj. Historyk vykazaŭ zdahadku, što heta mahło być źviazana z pahanskim ujaŭleńniem pra śviet ci heta była častka tradycyjnaha dekoru.
Inšy ž historyk Jaŭhien Malikaŭ maje svaju viersiju. Skulptura — heta hałava barana z charakternaj vyciahnutaj mordaj i zakručanymi rahami, pryvodzić jaho mierkavańnie «Mova Homiel».
Historyk adznačaje, što padobnaja skulptura jość i ŭ Mirskim zamku, jaki budavali ŭ pačatku 16 stahodździa. Na źniešniaj pavierchni paŭdniovaj ściany zamka bačny mocna vystupajučy kamień, forma jakoha nahadvaje hałavu barana.
«Mnie padajecca, što heta ŭsio-taki śviedčańnie niejkich vielmi staražytnych ujaŭleńniaŭ našych prodkaŭ ab dadatkovych mahična-rytualnych sposabach umacavać svaje abarončyja zbudavańni», — ličyć historyk.
Cikava, što viadoma antyčnaja tradycyja afarmlać pracoŭnuju častku ścienabitnych taranaŭ bronzavym nakaniečnikam u vyhladzie hałavy barana.
«Nie dumaju, što staražytnyja žychary centralnaj Biełarusi dobra viedali apisańni ścienabitnych miechanizmaŭ u antyčnych aŭtaraŭ, bolš praŭdapadobna, što jany karystalisia ahulnapryniatymi ŭ toj čas ujaŭleńniami, jakija vobrazna pieraasensoŭvalisia pad svaje kankretnyja patreby», — tłumačyć svaju viersiju Malikaŭ.
-
Kaliści tut žyli miljony. Łaziernyja technałohii raskryvajuć maštab zahinułaj cyvilizacyi Amazonii
-
Kreŭski zamak raskryŭ hałoŭnuju tajamnicu: znajšli ŭvachod u ciamnicu, dzie zadušyli Kiejstuta
-
Ledzianyja mumii i pieravał vikinhaŭ. Jak z-pad lodu źjaŭlajucca tajamnicy, jakija źmianiajuć ujaŭleńni pra śviet
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary