Michaił Padalak raskazaŭ, ci budzie Ukraina vyciahvać z-za krataŭ «rejkavych partyzanaŭ»
Daradca Ofisa prezidenta Ukrainy Michaił Padalak daŭ čarhovaje intervju «Lusterku», asnoŭnym źmiestam jakoha byŭ niadaŭna praviedzieny ŭkrainska-rasijski abmien źniavolenymi, u jaki patrapili i piaciora viaźniaŭ ź Biełarusi. Akramia abmierkavańnia ŭłasna abmienu, jaki ŭžo adbyŭsia, u Padalaka taksama zapytalisia pra pierśpiektyvy.
— Ci buduć jašče padobnyja abmieny, bo ŭ Biełarusi jašče zastajucca zatrymanyja ŭkraincy?
— Davajcie tak adkažu. My vielmi zacikaŭlenyja, kab vyzvalić usich ludziej, jakija tak ci inakš zajmali publična ci niepublična praŭkrainskuju pazicyju, rabili peŭnyja ŭčynki na karyść Ukrainy. My vielmi zacikaŭlenyja ŭ vyzvaleńni ŭsich: i vajennapałonnych, i cyvilnych.
Pra heta prezident Ukrainy nieadnarazova kazaŭ na roznych placoŭkach. Jon źviartajecca da ŭsich mahčymych i niemahčymych pasiarednikaŭ. I heta była adna z najvažniejšych tem pieramoŭ u ramkach mirnaha samitu ŭ Šviejcaryi. Nahadaju, adzin z punktaŭ kamiunikie — pra toje, što nieabchodna abmianiać usich na ŭsich, heta značyć zabrać usich vajennapałonnych i cyvilnych asob, jakich Rasija siońnia ŭtrymlivaje na svajoj terytoryi. Z ulikam staŭleńnia da ich tam heta adzin z najvažniejšych składnikaŭ našaj źniešniaj palityki. I Ukraina budzie maksimalna prykładać namahańni, kab vyzvalić.
— Na vašu dumku, ci zmohuć «rejkavyja partyzany» trapić u abmienny fond?
— Usie mohuć trapić — tyja, chto tak ci inakš zajmaŭ praŭkrainskuju pazicyju. I na hetym pastavim kropku.
Na pytańnie, chto ŭvachodziŭ pry apošnim abmienie ŭ abmienny fond z ukrainskaha boku, aprača mitrapalita Tulčynskaha i Bracłaŭskaha UPC Maskoŭskaha patryjarchatu, Michaił Padalak adkazać admoviŭsia, skazaŭšy:
«Što tyčycca abmienu tych ludziej, jakich my addali Rasijskaj Fiederacyi, — napeŭna, Rasija pavinna kazać pra heta».
«Heta była prośba prezidenta Rasii». Łukašenka raskryŭ padrabiaznaści abmienu Mikoły Švieca — dyviersanta z Mačuliščaŭ
Jak Ukraina vyzvalaje ź Biełarusi svaich. Tłumačeńnie ŭkrainskaha ekśpierta
Stali viadomyja abstaviny vyzvaleńnia ź biełaruskich turmaŭ hramadzian Ukrainy
Jak vyzvalenych z pałonu ŭ Biełarusi i Rasii sustrakali ŭ kijeŭskim aeraporcie VIDEA
Dziesiaciarych ukraincaŭ, vyzvalenych paśla źniavoleńnia ŭ Rasii i Biełarusi, sustreli ŭ kijeŭskim aeraporcie FOTA
Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
Asudžany va Ukrainie mitrapalit RPC vyzvaliŭsia i abjaviŭsia ŭ Biełarusi
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia25
Kamientary