Asudžany va Ukrainie mitrapalit RPC vyzvaliŭsia i abjaviŭsia ŭ Biełarusi
23 červienia mitrapalit Tulčynski i Bracłaŭski UPC Maskoŭskaha patryjarchatu Ijanafan (Anatol Jaleckich) źjaviŭsia na nabaženstvie napiaredadni śviata Śviatoha Ducha ŭ Minsku ŭ Śviata-Duchavym kafiedralnym sabory razam ź mitrapalitam Vienijaminam. Pra heta paviedamili na aficyjnym sajcie BPC. Za dzień da taho ŭ RPC zajavili, što jon vyzvaleny «pa chadajnictvie patryjarcha Kiryła».
Abstaviny vyzvaleńnia mitrapalita dahetul nieviadomyja.
«Uładyku Ijanafana vyzvalili praz umiašańnie Papy Franciška na prośbu Śviaciejšaha. Papa Francišak pracuje i nad vyzvaleńniem inšych archirejaŭ», — skazaŭ u kamientaryi TASS kiraŭnik Suśvietnaha sajuza staravieraŭ Leanid Sievaśćianaŭ.
Mahčyma, adbyŭsia abmien, ad jakoha Ijanafan raniej admaŭlaŭsia. Źjaŭleńnie jaho adrazu paśla vyzvaleńnia ŭ Minsku, vidać, źviazana ź jahonaj departacyjaj praz terytoryju Biełarusi. Uvohule raniej paviedamlałasia, što Ijanafan źbirajecca adpravicca ŭ Maskvu.
Mitrapalit Tulčynski i Bracłaŭski Ijanafan z Ukrainskaj pravasłaŭnaj carkvy Maskoŭskaha patryjarchatu byŭ asudžany ŭ Vińnicy va Ukrainie ŭ žniŭni 2023-ha za apraŭdańnie rasijskaj ahresii na piać hadoŭ źniavoleńnia. Pavodle viersii śledstva, jon raspaŭsiudžvaŭ siarod viernikaŭ prarasijskija ŭlotki i raźmiaściŭ na sajcie jeparchii artykuł, u jakim zajaŭlaŭ pra viaršenstva Maskoŭskaha patryjarchatu.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary