Va Ukrainie adnamu mitrapalitu RPC dali 5 hadoŭ turmy, a druhoha vyzvalili pad bujny zakład
74-hadovaha Tulčynskaha mitrapalita UPC Maskoŭskaha patryjarchata Ianafana (Anatola Jaleckich) asudzili na piać hadoŭ turmy pa abvinavačańni ŭ apraŭdańni rasijskaj ahresii, paviedamiła Słužba biaśpieki Ukrainy. U toj ža čas advakat namieśnika Kijeva-Piačerskaj łaŭry mitrapalita Paŭła paviedamiŭ, što jon vyzvaleny z-pad varty pad zakład u 33,3 młn hryŭniaŭ (902 tys. dalaraŭ).
Mitrapalit Ianafan byŭ pryznany vinavatym pavodle artykułaŭ KK Ukrainy ab admaŭleńni rasijskaj ahresii, zamachu na terytaryjalnuju cełasnaść krainy, dziejańniach, nakiravanych na źviaržeńnie kanstytucyjnaha ładu i parušeńni raŭnapraŭja hramadzian u zaležnaści ad relihijnych pierakanańniaŭ.
Pavodle viersii śledstva, Ianafan raspaŭsiudžvaŭ siarod viernikaŭ prapahandysckija ŭlotki, a na adnym z sajtaŭ RPC raźmiaščaŭ publikacyi ŭ padtrymku rasijskich vajskoŭcaŭ. Sam Ianafan admaŭlaje abvinavačańni.
74-hadovy mitrapalit Ianafan staŭ pieršym dziejnym kiraŭnikom jeparchii Ukrainskaj pravasłaŭnaj carkvy, asudžanym da realnaha turemnaha terminu.
Praŭda, jašče ŭ mai na try hady pazbaŭleńnia voli ŭ Kiravahradskaj vobłaści byŭ asudžany mitrapalit Iasaf (Mikałaj Hubienia), ale na toj momant jon užo skłaŭ paŭnamoctvy kiraŭnika jeparchii.
U toj ža čas los inšaha viadomaha prarasijskaha pravasłaŭnaha ijerarcha z Ukrainy, namieśnika Kijeva-Piačerskaj łaŭry mitrapalita Paŭła (Piatra Lebiedzia), siońnia palepšyŭsia.
«Siońnia byŭ kančatkova ŭniesieny zakład za mitrapalita Paŭła. Bolš za tysiaču čałaviek zapłacili hrošy ŭ jakaści zakładu za našaha ŭładyku. Ciapier uładyka ŭ mašynie», — napisaŭ jahony advakat u telehramie.
Raniej Pavieł byŭ adpraŭleny pad vartu da 14 žniŭnia. Da hetaha jon znachodziŭsia pad kruhłasutačnym chatnim aryštam z pryčyny abvinavačańniaŭ u raspalvańni mižnacyjanalnaj varožaści. Rašeńnia suda adnosna jaho pakul niama. Pry ŭručeńni paviedamleńnia, sa słoŭ Paŭła, supracoŭniki SBU abvinavacili jaho ŭ «dapamozie Rasii, raspalvańni mižrelihijnaj varožaści i ŭ tym, što praklinaŭ prezidenta». Sam mitrapalit admaŭlaje abvinavačańni ŭ svoj adras.
BPC hatovaja pryniać prarasijskich manachaŭ z Kijeva-Piačerskaj łaŭry ŭ siabie, kali ich adtul vysielać
U Kijevie buduć malicca za Ivana Maziepu. Anafiema jamu była abvieščana 300 hadoŭ tamu
Mitrapalit Vienijamin zaklikaŭ biełaruskich śviataroŭ malicca za Kijeva-Piačerskuju łaŭru malitvaj, papularnaj u akultystaŭ
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary