Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
Prezident Ukrainy Uładzimir Zialenski paviedamiŭ, što va Ukrainu viarnulisia piaciora cyvilnych asob, zachoplenych na terytoryi Biełarusi i pazbaŭlenych voli: Mikoła Šviec, Natalla Zacharanka, Pavieł Kupryjenka, Ludmiła Hančarenka i Kaciaryna Bruchanava.
Najbolš značnym i viadomym z abmienienych ź Biełarusi viaźniaŭ źjaŭlajecca Mikoła Šviec — ukrainiec, jakoha siłaviki abvinavačvali ŭ ažyćciaŭleńni dyviersii suprać rasijskaha samalota ŭ Mačuliščach.
Ź inšych viaźniaŭ z rasijskaha pałonu ŭdałosia viarnuć Narymana Dželała — namieśnika staršyni Miedžlisu krymskatatarskaha naroda.
Taksama va Ukrainu viarnuli cyvilnych asob Alenu Piech i Valeryja Maciušenku, jakija byli ŭ rasijskim pałonie z 2017—2018 hadoŭ.
Vyzvalili taksama Bahdana Hieletu i Ivana Lavickaha — śviataroŭ Ukrainskaj hreka-katalickaj carkvy, zachoplenych u Biardziansku Zaparožskaj vobłaści za supraciŭ akupantam.
Usiaho, takim čynam, va Ukrainu z Rasii i Biełarusi viarnulisia 10 čałaviek.
Umovy ich abmienu pakul nie paviedamlajucca. Viadoma, adnak, što vyzvaleńnie adbyłosia pry ŭdziele Vatykana.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič44
Kamientary