Źjaviłasia videa z abvinavačanym u atacy na rasijski samalot u Mačuliščach
Rasijskija prapahandysty apublikavali zvarot hramadzianina Ukrainy Mikałaja Šviaca, jakoha abvinavacili ŭ atacy na samalot u Mačuliščach. U zvarocie Šviec na ŭkrainskaj movie apieluje da Uładzimira Zialenskaha. Vidavočna, što bieź biełaruskaj ułady hety zvarot nie moh źjavicca.
Na videazapisie Mikałaj Šviec kaža, što heta jon paškodziŭ rasijski samalot u Mačuliščach, što znachodzicca ŭ SIZA KDB i što nichto z ukrainskich dypłamataŭ jaho nie naviedvaŭ, nichto im nie cikavicca.
«Ciapier mnie pahražaje śmiarotnaje pakarańnie. Dla biełarusaŭ ja teraryst. Z 4 sakavika ja znachodžusia ŭ SIZA KDB Respubliki Biełaruś. Za hety čas nichto mnoj nie cikaviŭsia, nichto sa mnoj nie vychodziŭ na suviaź. Z hetaha ja rablu vysnovu, što ŭłada ad mianie admoviłasia», — kaža Mikałaj.
Vyhladaje, što Šviec čytaje napisany tekst: jon pieravodzić vočy ŭniz, robić paŭzy, źbivajecca, havoryć biez entuzijazmu.
Šviec zaklikaŭ Uładzimira Zialenskaha zrabić usio, kab jaho vyzvalić.
26 lutaha ŭ Mačuliščach u vyniku ataki drona byŭ paškodžany rasijski vajenny samalot dalokaha radyjołakacyjnaha vyjaŭleńnia i kiravańnia (DRŁA) A-50. Adkaznaść za ataku ŭziaŭ na siabie «Bajpoł». Na pačatku sakavika pa hetaj spravie byli zatrymanyja dziasiatki čałaviek, u tym liku Mikałaj Šviec.
Chto taki «Jakucik»? KDB zatrymlivaje strałkoŭ i adpraŭlaje ich na palihraf, pakazvajučy fota adnaho čałavieka
Strałok, spartoviec z rajcentra, prahramist. Daviedalisia bolš pra niekatorych abvinavačvanych u «teraktach»
Adzin z mužčyn, jakich prapahanda nazvała arhanizatarami dyviersii ŭ Mačuliščach, — pryjaciel syna Abielskaj i danosčyk
Kamientary