Chto taki «Jakucik»? KDB zatrymlivaje strałkoŭ i adpraŭlaje ich na palihraf, pakazvajučy fota adnaho čałavieka
Praz hetaha čałavieka kašmarać dziasiatki strałkoŭ pa ŭsioj krainie.
Dniami «Naša Niva» paviedamlała pra niezdarovy intares orhanaŭ dziaržbiaśpieki da pradstaŭnikoŭ strałkovych kłubaŭ, strajkbalistaŭ i rekanstruktaraŭ.
Jak nam viadoma, sparadyčna zatrymanymi akazalisia dziasiatki ludziej.
U niečym heta nahadvaje spravu «Biełaha Lehijona» ŭ 2017-m, adzinaje, što sioleta ŭsio razhortvajecca nie vakoł padkinutych aŭtamataŭ, a vakoł sapraŭdnaj dyviersii ŭ Mačuliščach.
Detalaŭ masavych abłavaŭ my nie viedajem. Sihnały prychodziać supiarečlivyja i biez asablivych detalaŭ.
Viadoma, što častku ludziej z KDB vypuskajuć paśla niekalkich dzion u zaścienkach. Niekatoryja jašče tam. Usie, chto vychodzić — pad padpiskami ab nierazhałošvańni.
Z taho, što nam udałosia sabrać, viadoma, što,
zatrymanych strałkoŭ «brali» u nadziei vyjści na zahadkavaha čałavieka, jakoha nazyvajuć «Jakucikam».
U KDB zatrymanych aktyŭna dapytvajuć na pradmiet znajomstva z hetym čałaviekam, pakazvajuć jaho fota, vyśviatlajuć abstaviny znajomstva, kali jany jość, a taksama charaktar adnosin.
Zatrymanyja abaviazkova prachodziać palihraf.
Chto hety «Jakucik», my nie viedajem. Proźvišča heta ci mianuška, taksama nieviadoma.
Siońnia Alaksandr Łukašenka zajaviŭ, što paśla dyviersii ŭ Mačuliščach nibyta zatrymali «ŭkrainskaha terarysta» ŭ drukarni pad Baraŭlanami, a taksama 20 jaho pamahatych. U toj ža čas jon kazaŭ, što pošuki datyčnych jašče viaducca i paabiacaŭ začystku.
Kali vam niešta viadoma, paviedamlajcie @nn_editor, na [email protected] ci [email protected]. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆAlaksandr Łukašenka rasparadziŭsia «pravieści pa ŭsioj krainie žorstkuju začystku»
Siastra «dyviersanta» ź milicejskaj aryjenciroŭki: Jon byŭ doma ŭ hetyja dni
Kiraŭnik «Bajpoł»: «Va ŭsioj sistemie MUS tolki pra heta i havorać». Azaraŭ prakamientavaŭ vylet A-50 z Mačuliščaŭ
Krasamoŭna. Što łukašenkaŭskija kanały napisali pra vybuchi ŭ Mačuliščach
Kamientary