«Heta była prośba prezidenta Rasii». Łukašenka raskryŭ padrabiaznaści abmienu Mikoły Švieca — dyviersanta z Mačuliščaŭ
Łukašenka padčas vystupleńnia na ŭračystym schodzie, pryśviečanym 3 lipienia, raskryŭ padrabiaznaści niadaŭniaha abmienu ŭkrainca Mikoły Švieca, jaki abvinavačvaŭsia ŭ vykanańni dyviersii suprać rasijskaha samalota A-50 u Mačuliščach.
Napačatku Łukašenka, jak časta robić, pasprabavaŭ usialak marhinalizavać značeńnie hetaha abmienu. Jon prykinuŭsia, što nibyta jon pry svaim pracoŭnym hrafiku navat nie nadavaŭ hetamu ŭsiamu ŭvahi, i «navat niejak nie źviarnuŭ uvahu ŭ sacyjalnych sietkach» na heta pytańnie. Maŭlaŭ, zvyčajnaja praca, «idzie składana, ciažka, ale ŭsialakaje byvaje. Ludzi traplajuć i tam u pałon, i tut. U rasijan na paradak bolš pałonnych. Va Ukrainy značna mienš».
I tolki paśla taho narešcie vykłaŭ svaju interpretacyju taho, što adbyłosia:
«Ale kali b našy źbiehłyja (voś źviarnicie ŭvahu) nie zaŭvažyli, što «źnik» čałaviek, Šviec, jaki sprabavaŭ padarvać rasijski raźviedvalny samalot u Mačuliščach. Pamiatajecie. Na praciahu dvuch dzion, pravioŭšy apieracyju, my «niejtralizavali» jaho i jaho saŭdzielnikaŭ. «Prapaŭ». Naturalna, jany jaho znajšli va Ukrainie: «Ach, abmianiali! Jak tak abmianiali?»
Dyk vy radujciesia, što vaš čałaviek siońnia va Ukrainie. Ja nie viedaju, volny, nie volny … napeŭna, volny. Baćki jaho, dyviersanta, sustreli. Usio było prosta. Nijakija śviatary ŭ hetym nie ŭdzielničali.
Heta była prośba prezidenta Rasii: kali jość mahčymaść, dapamahčy vyzvalić viadomaha śviatara Ianafana. Ukraincy da nas z hetaj prośbaj źviarnulisia. Ja Pucinu kažu: «Što budziem rabić? Vaša rašeńnie?» Tamu my hetaha čałavieka addali va Ukrainu, jany nam addali śviatara», — raskryŭ padrabiaznaści Łukašenka.
Tym samym Łukašenka paćvierdziŭ viersiju, što Mikołu Švieca abmianiali na mitrapalita Tulčynskaha i Bracłaŭskaha UPC Maskoŭskaha patryjarchata Ijanafana (Anatola Jaleckich). 23 červienia jon niečakana źjaviŭsia na nabaženstvie napiaredadni śviata Śviatoha Ducha ŭ Minsku ŭ Śviata-Duchavym kafiedralnym sabory razam ź biełaruskim ekzarcham Vienijaminam.
Mitrapalit Tulčynski i Bracłaŭski Ijanafan z Ukrainskaj pravasłaŭnaj carkvy Maskoŭskaha patryjarchatu byŭ asudžany ŭ Vińnicy va Ukrainie ŭ žniŭni 2023-ha za apraŭdańnie rasijskaj ahresii na piać hadoŭ źniavoleńnia. Pavodle viersii śledstva, jon raspaŭsiudžvaŭ siarod viernikaŭ prarasijskija ŭlotki i raźmiaściŭ na sajcie jeparchii artykuł, u jakim zajaŭlaŭ pra viaršenstva Maskoŭskaha patryjarchatu.
Jak Ukraina vyzvalaje ź Biełarusi svaich. Tłumačeńnie ŭkrainskaha ekśpierta
Stali viadomyja abstaviny vyzvaleńnia ź biełaruskich turmaŭ hramadzian Ukrainy
Jak vyzvalenych z pałonu ŭ Biełarusi i Rasii sustrakali ŭ kijeŭskim aeraporcie VIDEA
Što viadoma pra źniavolenych u Biełarusi hramadzian Ukrainy, jakija niečakana zdabyli volu?
Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary