Łaŭroŭ: Rasija nie budzie spyniać vajnu va Ukrainie na čas pieramovaŭ ab miry
Ministr zamiežnych spraŭ Rasii vystupiŭ pierad studentami Akademii kiravańnia ŭ Minsku.
Rasija nie budzie spyniać vajennyja dziejańni va Ukrainie na pieryjad praviadzieńnia mirnych pieramoŭ. Pra heta zajaviŭ kiraŭnik MZS Rasii Siarhiej Łaŭroŭ, vystupajučy ŭ Akademii kiravańnia ŭ Minsku, paviedamlaje TASS.
«My skazali — my budziem zaŭsiody hatovyja da mirnych pieramoŭ, ale na pieryjad pieramoŭ my nie budziem spyniać śpiecyjalnuju vajennuju apieracyju. My ŭžo taki dośvied mieli, nas padmanvali, jak heta było ŭ krasaviku 2022 hoda», — adznačyŭ Łaŭroŭ.
Pavodle jaho słoŭ, ciapier źjaviłasia novaja prapanova ab pieramovach, ale realii pastajanna mianiajucca.
«Tyja, chto maje niejkuju razvažlivaść, pavinny praanalizavać łancužok situacyj, kali kožnaja prapanova adprečvałasia i situacyja dla ŭkrainskaha režymu stanaviłasia ŭsio horšaj i horšaj», — miarkuje rasijski ministr.
Uładzimir Pucin raniej zajaviŭ, što hatovy vieści pieramovy tolki na ŭmovach poŭnaha vyvadu ŭkrainskich vojskaŭ z anieksavanych Rasijaj abłaściej. Va Ukrainie takuju prapanovu nazvali abraźlivaj dla mižnarodnaha prava.
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»33
Kamientary