«Standartny nabor ahresara». U Ofisie Zialenskaha prakamientavali «mirny płan» Pucina
Na dumku pradstaŭnikoŭ Ofisa, Pucin nie ahučyŭ realnych mirnych prapanoŭ.
Daradca Ofisa prezidenta Ukrainy Michaił Padalak adreahavaŭ na prapanovy pa ŭrehulavańni kanfliktu, jakija ahučyŭ Uładzimir Pucin.
«Nijakich novych «mirnych prapanoŭ» ad Rasii nie pastupała. Subjekt Pucin ahučyŭ tolki «standartny nabor ahresara», jaki ŭžo nieadnarazova hučaŭ.
Jahony źmiest davoli śpiecyfičny, u vyšejšaj stupieni abraźlivy dla mižnarodnaha prava i absalutna krasamoŭna havoryć pra niazdolnaść ciapierašniaha rasijskaha kiraŭnictva adekvatna aceńvać realii», — adznačyŭ Padalak u X.
Prapanovy Pucina ŭ ofisie Uładzimira Zialenskaha bačać tak:
«1. Addajcie nam svaje terytoryi.
2. Admoŭciesia ad svajho suvierenitetu i svajoj subjektnaści.
3. Pakińcie siabie biez abarony (nijakaha siabroŭstva ŭ aljansach).
4. Zdymicie (razam z krainami Zachadu) usie sankcyi całkam i nieadkładna, kab my mahli napoŭnić našu vajenizavanuju ekanomiku i rabić bolš inviestycyj u infarmacyjnyja pravakacyi pa ŭsim śviecie.
Samaje hałoŭnaje — piataje — davajcie terminova vypraŭlać «nie / pravał Rasii» za košt Ukrainy».
Pa słovach Padalaka, u hetych prapanovach niama žadańnia skončyć vajnu, ale jość žadańnie nie płacić za jaje samastojna i vieści jaje ŭ novych farmatach.
«Heta ŭsio poŭny padman. Tamu — jašče raz — pazbaŭciesia ad iluzij i pierastańcie ŭsprymać surjozna abraźlivyja dla zdarovaha sensu «prapanovy Rasii», — reziumavaŭ Padalak.
Pucin na sustrečy z kiraŭnictvam MZS Rasii nazvaŭ umovy dla pačatku mirnych pieramoŭ z Ukrainaj: vyvad USU z usich anieksavanych Rasijaj terytoryj, harantyi nieŭstupleńnia Ukrainy ŭ NATO i biaźjadziernaha statusu krainy.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary