«Rasija zastaniecca ci ŭ svaim siońniašnim stanie, ci ŭ stanie 90-ch hadoŭ».
U novym vypusku tok-šou «Hadzińničak cikaje» analityk Arciom Šrajbman zaŭvažyŭ, što da razmovaŭ ab «novaj Rasii» adnosicca vielmi skieptyčna:
«Ja piesimist u adroźnieńni ad Ivana Kraŭcova».
Šrajbman razvažaje: jon nie dumaje, što rasijanie niejak hienietyčna nie schilnyja da demakratyi ci im nakanavana žyć u dyktatury, ale
ŭ bližejšaj pierśpiektyvie («pry našym žyćci») Rasija zastaniecca ci ŭ svaim siońniašnim stanie, ci ŭ stanie 90-ch hadoŭ.
Ni adzin z hetych varyjantaŭ, padkreślivaje analityk, nie źjaŭlajecca demakratyjaj, jakaja funkcyjanuje. Ale adzin bolš niebiaśpiečny, a druhi — mienš.
«Pytańnie biełaruskaha šlachu — jak my kankretna vykarystajem umoŭnyja 90-ja, vokny mahčymaściej słaboj aliharchičnaj karupcyjnaj Rasii, u tym liku dla svajho hieapalityčnaha samavyznačeńnia, identyčnaści, biełaruskaj movy, demakratyi.
Treba razumieć, nakolki važnyja hetyja vokny 90-ch u Rasii. U minułym my ich nie zmahli vykarystać. Tamu važna nastupnyja nie prapuścić», — adznačaje Šrajbman.
«Mnie ciažka ŭjavić isnavańnie hetaj vialikaj usio jašče adzinaj dziaržavy, biez adkołatych kavałkaŭ, jakaja kirujecca z centra, i tym nie mienš demakratyčnaja. Dla mienie tut niestykoŭka. Ci ty niejkaje napałovu razvalenaje karyta, ci vielmi rychłaja kanfiederacyja albo aŭtarytarny režym».
Ciapier čytajuć
Stvaralnica sietki kafe Myloverberry raspaviała, jak razam z mužam zahnała paśpiachovy biznes u daŭhi1
Kamientary