Šrajbman: Niama prastory dla abmienu palitviaźniaŭ, płanka dla pačatku razmovy z Łukašenkam vielmi vysokaja
Analityk Arciom Šrajbman parazvažaŭ, čamu Zachad nie viadzie torh z Łukašenkam.
Precedenty abmienu palitviaźniaŭ na sankcyi byli ŭ papiarednija hady, ale ciapier niemahčymyja, ličyć Šrajbman. Łukašenka nie zacikaŭleny ŭ asłableńni słabych sankcyj (u adnosinach načalnikaŭ izalataraŭ ci sudździaŭ) — a mienavita ich uvodzili za parušeńnie pravoŭ čałavieka ŭ 2020-m.
Z tych časoŭ sankcyi ŭviali jašče za pasadku samalota z Pratasievičam na borcie, mihracyjny kryzis u 2021-m, dapamohu Rasii ŭ vajnie.
«Asłablać ich u abmien na palitźniavolenych Zachad ličyć niemetazhodnym, tamu što tady atrymlivajecca, što Łukašenka moža rabić usio, što jon robić, uklučajučy dapamahać Rasii ŭ vajnie, dapamahać zabivać ukraincaŭ pa sutnaści, ale kali jon nabiare dastatkova zakładnikaŭ, to jon moža hetych zakładnikaŭ abmianiać na sankcyi i takim čynam zastacca biez pakarańnia za ŭsio toje, što jon praciahvaje rabić, u tym liku i na miažy ź Jeŭrasajuzam»,
— tłumačyć analityk.
Raźmiaščeńnie na terytoryi Biełarusi jadziernaj zbroi ci vahnieraŭcaŭ nie spryjaje tamu, kab na Zachadzie padymali pytańnie ab asłableńni sankcyj.
«Naadvarot. Trend u inšy bok: «davajcie šukać, jak jašče pastrožyć, jak pierakryć dziry, jakija Rasija vykarystoŭvaje praź Biełaruś». Plus jość razumieńnie, što kali asłabić niejkija surjoznyja sankcyi ŭ adnosinach da Biełarusi, jakija mohuć dapamahčy Rasii abychodzić jaje sankcyi, heta moža dapamahčy Rasii vieści vajnu».
Ciapier niama prastory dla humanitarnych abmienaŭ, zaŭvažaje Šrajbman.
«Płanka dla pačatku razmovy z Łukašenkam nastolki vysokaja, što nichto navat nie dumaje da jaje padychodzić. Na Zachadzie ličycca palityčna vielmi taksičnym zadumvacca ŭsłych pra idei tarhavacca z Łukašenkam sankcyjami na palitviaźniaŭ».
Analityk padsumoŭvaje, što dla palitviaźniaŭ heta sumnaja situacyja, bo
«ni ŭ kaho ciapier niama palityčnaj mahčymaści zmahacca za ich vyzvaleńnie».
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary