MUS paćvierdziła aryšt top-mieniedžara čyhunki z $3 miljonami, a paśla vydaliła navinu z usich kanałaŭ. Što zdaryłasia?
U aŭtarytarnych sistemach stroha vyznačana, chto maje prava pieršym apubličyć rezanansnuju navinu.
13 červienia Ministerstva ŭnutranych spraŭ paćvierdziła, što za chabar zatrymali top-mieniedžara Biełaruskaj čyhunki. Imia nie nazyvałasia, ale paviedamlałasia, što ŭ tajnikach kvatery i zaharadnaha doma zatrymanaha kanfiskavali bolš za 3 miljony dalaraŭ.
Raniej hetu infarmacyju apubličyła «Supolnaść biełaruskich čyhunačnikaŭ». Pisałasia, što za chabar uziali pieršaha namieśnika kiraŭnika BČ Piatra Dułuba.
Ale nieŭzabavie paśla publikacyi milicejskija kanały sinchronna vydalili ŭsiu infarmacyju pra zatrymańnie sa svaich kanałaŭ, što vyhladała dziŭna.
Razhadka hetamu znajšłasia 14 červienia — pres-słužba Łukašenki anansavała, što na naradzie jon «prakamientavaŭ karupcyjnyja zatrymańni na Biełčyhuncy». Vyhladaje, što pa zadumie mienavita Łukašenka pieršym musiŭ raskazać publicy pra zatrymańni na čyhuncy. Tamu siłavikoŭ paprasili prybrać usie pres-relizy.
A dziaržaŭnyja ŚMI ciapier rapartujuć — «Łukašenka raskryŭ infarmacyju pra bujnuju karupcyjnuju spravu». Palityk paviedamiŭ, što siarod zatrymanych za chabary — toj samy Dułub.
«U schovankach u kvatery i ŭ zaharadnym domie fihuranta kanfiskavanyja hrašovyja srodki na sumu bolš za $3,2 młn», — ahučyŭ Łukašenka detali.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary