Siastra Kim Čen Yna papiaredziła Sieuł «pra niebiaśpiečnuju situacyju»
Kim Jo Čžon nazvała apraŭdanaj reakcyju KNDR.
Rašeńnie Paŭdniovaj Karei zapuścić prapahandysckaje viaščańnie praz hučnahavarycieli na miažy z Paŭnočnaj Karejaj moža pryvieści «da vielmi niebiaśpiečnaj situacyi», zajaviła namieśnik zahadčyka adździeła CK Pracoŭnaj partyi KNDR Kim Je Čžon, siastra lidara Respubliki Kim Čen Yna.
Paŭdniovakarejskija ŭłady ŭklučyli hučnahavarycieli ŭpieršyniu z 2016 hoda, heta stała adkazam na «śmiećcievuju vajnu» KNDR: pa danych Sieuła, z 28 maja paŭnočnakarejski ŭrad vypuściŭ kala 1,6 tys. pavietranych šaroŭ sa śmiećciem, častka ź ich pryziamliłasia ŭ vakolicach Sieuła i inšych pryhraničnych rehijonach.
U Paŭnočnaj Karei zajaŭlajuć, što takim čynam adkazvajuć na raspaŭsiud prapahandysckich ulotak Paŭdniovaj Karejaj anałahičnym mietadam.
Kim Jo Čžon nazvała apraŭdanaj reakcyju KNDR. Na jaje dumku, u dziejańniach Pchieńjana, u adroźnieńnie ad Sieuła, «nie ŭtrymlivajecca nijakaha palityčnaha padbuchtorvańnia».
«Kali jany buduć raskidvać ulotki i ładzić pravakacyi z dapamohaj hučnahavarycielaŭ praź miažu, my, niesumnienna, staniem śviedkami novaj reakcyi našaj krainy. Ja surjozna raju Sieułu nieadkładna spynić niebiaśpiečnyja ŭčynki, jakija mohuć pryvieści da dalejšaj kanfrantacyi», — cytuje jaje CTAK.
KNDR płanavała spynić adpraŭku šaroŭ 9 červienia, ale situacyja pamianiałasia, skazała jana, majučy na ŭvazie situacyju z hučnahavarycielami.
Jana dadała, što Paŭdniovaja Kareja sutykniecca z «paŭsiadzionnaj nieabchodnaściu źbirać makułaturu», kali raspaŭsiudžvańnie ŭlotak nie spynicca.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj54
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary