KNDR znoŭ atakavała Paŭdniovuju Kareju śmiećciem — Sieuł u adkaz uklučyć naviny praz hučnahavarycieli
Śmiećcievaja vajna pamiž dźviuma krainami praciahvajecca.
KNDR čarhovy raz atakavała Paŭdniovuju Kareju pavietranymi šarami sa śmiećciem. 8 červienia paŭdniovakarejskija vajskoŭcy zafiksavali zapusk 330 pavietranych šaroŭ, nie mienš za 80 pryziamlilisia ŭ Paŭdniovaj Karei.
Sieuł u jakaści miery ŭ adkaz źbirajecca ŭklučyć prapahandu na miažy z Paŭnočnaj Karejaj. Płanujecca, što praz mahutnyja hučnahavarycieli buduć tranślavacca naviny i analityčnyja pieradačy, infarmacyja ŭ jakich razychodzicca z paŭnočnakarejskaj prapahandaj, piša Reuters.
Upieršyniu taki pryjom Sieuł vykarystoŭvaŭ u 2004 hodzie. Apošni raz prapahanda na miažy hučała ŭ 2016 hodzie padčas jadziernych vyprabavańniaŭ u KNDR.
Paŭnočnaja Kareja z kanca traŭnia zapuściła na terytoryju Paŭdniovaj užo bolš za tysiaču šaroŭ, napoŭnienych raznym śmiećciem. Sieuł u adkaz zapuściŭ u KNDR šary z zapisanaj na fłeški muzykaj K-Pop i paŭdniovakarejskimi sieryjałami.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
I asymetryčny adkaz taki samy "sensoŭny"