«Biełkamunmaš» admaŭlaje datyčnaść da avaryi tramvajaŭ u Kiemieravie. Adnak pryznaje, što jahonyja kamplektujučyja tam jość
Biełaruskaje pradpryjemstva «Biełkamunmaš», jakoje zajmajecca vytvorčaściu roznych vidaŭ hramadskaha transpartu, adreahavała na zakidy ŭ jahony bok, što nibyta pryčynaj sutyknieńnia dvuch tramvajaŭ stała admova tarmazoŭ u adnaho ź ich, a tarmazy tyja pastaŭlaŭ «Biełkamunmaš».
«Heta nie adpaviadaje rečaisnaści. U hetaj situacyi ličym nieabchodnym patłumačyć, što pradpryjemstva raniej pastaŭlała ŭ hety rehijon vyklučna kuzavy, što nijak nie mahło spravakavać DTZ», — zajaviła pres-słužba pradpryjemstva.
U pryvatnaści, jak śćviardžajecca, u pieryjad z 2011 pa 2013 hod u Kiemierava było pastaŭlena 8 kuzavaŭ tramvajnych vahonaŭ madeli 60102. Jany byli, maŭlaŭ, patrebnyja dla madernizacyi tramvajnych vahonaŭ. Usie ž nastupnyja raboty i vyprabavańni rabilisia ŭ Kiemieravie siłami ekspłuatujučaj arhanizacyi.
Pavodle pres-słužby «Biełkamunmaša», pradpryjemstva «nadaje značnuju ŭvahu pytańniam jakaści vyrablenaj techniki i jaje servisnaha absłuhoŭvańnia».
Tym nie mienš, viestki pra avaryi z udziełam transpartnych srodkaŭ biełaruskaj vytvorčaści, u tym liku i z-za techničnych niepaładak, prychodziać z Rasii rehularna.
Nahadajem, što avaryja ŭ Kiemieravie adbyłasia ranicaj 6 červienia. Tramvaj na vysokaj chutkaści ŭvajšoŭ u pavarot, u hety momant adčynilisia piarednija i zadnija dźviery i dva čałavieki vylecieli na prajeznuju častku pad koły mašyny, jakaja paśpieła zatarmazić.
Kolkaść paciarpiełych u avaryi ciapier dasiahnuła 125 čałaviek, siarod ich 10 dziaciej. Adzin čałaviek zahinuŭ, 21 špitalizavany, 4 — u ciažkim stanie.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary