U rasijskim Kiemieravie sutyknulisia dva tramvai: traŭmy atrymali 90 čałaviek
Pavodle papiarednich źviestak, u adnaho ź ich pierastali dziejničać tarmazy. Ludzi vypadali z tramvaja ŭ čas ruchu. Tramvaj byŭ biełaruskim.
U vyniku sutyknieńnia dvuch tramvajaŭ na Łohavaj šašy ŭ rasijskim Kiemieravie paciarpieli 90 čałaviek, 67 čałaviek špitalizavanyja, zajaviŭ kiraŭnik horada Dźmitryj Anisimaŭ u telehram-kanale. Paźniej stała viadoma, što ŭ balnicy pamior adzin čałaviek.
«U haradskuju balnicu № 3 dastavili 40 paciarpiełych, troje znachodziacca ŭ ciažkim stanie», — skazaŭ Anisimaŭ.
U siecivie źjaviłasia videa, na jakim bačna, jak tramvaj na vialikaj chutkaści ŭvachodzić u pavarot, u jaho adčynienyja dźviery i z sałona, padobna, vylatajuć niekalki čałaviek.
Akramia špitalizavanych, u traŭmapunkt paśla DTZ samastojna źviarnulisia 10 čałaviek. Dla likvidacyi nastupstvaŭ avaryi stvorany apieratyŭny štab, jaki ŭznačaliŭ Anisimaŭ, piša RBK.
Pryčynu avaryi vyśviatlajuć śledčyja, dadaŭ mer. Z-za błakavańnia ruchu ŭ rajonie DTZ ułady arhanizavali biaspłatnyja maršruty, a dla svajakoŭ paciarpiełych adkryli haračuju liniju.
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary