Samalot «Biełavija» prybyŭ u Hruziju sa spaźnieńniem z-za techničnych prablem
Padčas rejsa ŭ Hruziju ŭ samalota «Biełavija» Embraer E195LR (bartavy numar EW-400PO) uźnikła «prablema z padtrymańniem cisku ŭ kabinie piłotaŭ». Praz heta da miesca pryznačeńnia jon prybyŭ sa spaźnieńniem na paŭhadziny, paviedamlaje telehram-kanał «OtVinta. Aviacija Biełarusi».
Havorka idzie pra samalot u liŭrei ad kampanii Wargaming, prazvany «zubralotam».
Samalot nakiroŭvaŭsia pa maršrucie Minsk-Kutaisi ŭ noč na 3 červienia. Padčas palotu ŭ jaho ŭźnikła prablema z «nadduvam kabiny».
Adznačajecca, što pra niaspraŭnaść stała viadoma ŭ zonie adkaznaści Samarskaha centra adzinaj sistemy arhanizacyi pavietranaha ruchu. Z-za niemahčymaści zaniać prapanavany dyśpietčaram ešałon ekipaž «pryniaŭ rašeńnie ruchacca pa alternatyŭnym maršrucie praz pavietranuju prastoru Kazachstana».
«U Kutaisi avijatechniki apieratyŭna likvidavali prykruju niaspraŭnaść i zvarotny rejs prachodziŭ užo pa štatnym maršrucie», — havorycca ŭ paviedamleńni.
Embraer E195LR — siaredniemahistralny pasažyrski samalot dla maršrutaŭ małoj i siaredniaj dystancyi. Jon byŭ nabyty «Biełavija» ŭ lizinh u brazilskaj kampanii Embraer u mai 2014 hoda.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał55
Kamientary