Z bresckaha aeraporta ŭpieršyniu za 30 hadoŭ pačali lotać samaloty ŭ Maskvu
3 krasavika aeraport Bresta pryniaŭ pieršy rehularny rejs z Maskvy. Jon nie rabiŭ hetaha z 1993 hoda, a čartarnaj prahramy ŭ abłasnym aeraporcie nie było z 2021-ha.
Brescki aeraport. Fota: brest.aeroport.website
Pieršy rejs z maskoŭskaha aeraporta «Šaramiećcieva» ŭ Brest vykanaŭ samalot Embraer-175.
Ciapier, jak miarkujucca, takija rejsy buduć vykonvacca dvojčy na tydzień — pa sieradach i subotach, pieralot u adzin bok zajmaje 1 hadzinu 45 chvilin. Vylet z Maskvy — u 13:45, prylot u Brest — u 15:40; vylet z Bresta — u 16:35, prylot u Maskvu — u 18: 20.
Taksama z 13 maja, jak płanujecca, u hetym aeraporcie pačniecca letniaja turystyčnaja palotnaja prahrama: čartary palaciać z Bresta ŭ tureckuju Antallu.
Kamientary