Pradprymalnik z Vaŭkavyska fiktyŭna pryniaŭ na raźmierkavańnie vypusknicu. Taja pryjšła z pavinnaj — jaho sudzili
Indyvidualny pradprymalnik z Vaŭkavyska zajmaŭsia roźničnym handlem tavaraŭ pa pošcie i internecie. Kab dapamahčy vypusknicy Hrodzienskaha dziaržaŭnaha kaledža techniki, technałohij i dyzajnu, jon nibyta pryniaŭ jaje na raźmierkavańnie. Pa dakumientach jana była ahientam pa absłuhoŭvańni aŭtamabilnych pieravozak, raspaviadaje Hrodna.life.
Da 19 krasavika 2022 hoda jon pieradaŭ u kaledž harantyjny list. U im jon harantavaŭ vypusknicy pracoŭnaje miesca. Paźniej padpisaŭ damovu ab raźmierkavańni. Paśla heta była pieraddypłomnaja praktyka: biznesmien padpisaŭ zahad ab prachodžańni praktyki, dziońnik praktyki i charaktarystyku. Na samaj spravie prymać vypusknicu na pracu jon nie źbiraŭsia, a pasady dla pracy pa śpiecyjalnaści ŭ jaho nie było.
Kab stvaryć bačnaść pryjomu na pracu, mužčyna zrabiŭ zahad ab pryjomie na pracu i inšyja patrebnyja dakumienty. Ich jon vykarystaŭ sam u dakumientazvarocie i adpraviŭ u Fond sacyjalnaj abarony nasielnictva i inšyja instancyi.
Situacyja raskryłasia, kali dziaŭčyna pryjšła z pavinnaj. Mužčynu sudzili za padrobku aficyjnaha dakumienta i paŭtornuju padrobku. Jon pryznaŭ vinu. Pry razhladzie spravy akazałasia, što mužčyna pieraličvaŭ hrošy na kartu «rabotnicy», ale karystaŭsia hetaj kartaj sam. U telefonie znajšli pierapisku ab iłžyvych dakumientach. A kali studentka nibyta pracavała ŭ Padarosku Vaŭkavyskaha rajona, nasamreč jaje tam nie było — pra heta kažuć telefonnyja złučeńni.
Z byłoj studentki ŭ sudzie ŭžo spahnali 11 697 rubloŭ za navučańnie. A mužčynu sudzili 15 traŭnia ŭ sudzie Vaŭkavyskaha rajona pavodle č. 1 i č.2 art. 380 KK (padrobka, vyrab, vykarystańnie albo zbyt padroblenych dakumientaŭ).
Jaho prysudzili da štrafu ŭ 250 bazavych vieličyń (10 000 rubloŭ). Praz toje, što jaho ŭtrymlivali pad vartaj, na prośbu dziaržabvinavaŭcy ad pakarańnia biznesoŭca vyzvalili.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary