16-hadovy chłopiec padpracoŭvaŭ kurjeram telefonnych machlaroŭ i vynies 2,6 miljona rubloŭ
U sud pieradadzienaja kryminalnaja sprava suprać 16-hadovaha minčuka.
Jamu vystaŭlenyja abvinavačvańni ŭ machlarstvie ŭ asabliva bujnym pamiery, ździejśnienym hrupaj asob, a taksama ŭ niezakonnym raspaŭsiudzie rekvizitaŭ bankaŭskich kart i aŭtentyfikacyjnych danych, jakija dazvalajuć atrymać dostup da rachunkaŭ, piša Onliner.by.
Zhodna z materyjałami spravy, chłopiec udzielničaŭ u telefonnych machlarstvach, vykonvajučy rolu kurjera ŭ złačynnaj hrupie. Pa ŭkazańni «kurataraŭ» jon pryjazdžaŭ da paciarpiełych dla atrymańnia hrošaj i majomaści, jakija zatym pieradavaŭ inšym členam hrupy.
U vyniku jaho dziejańniaŭ čaćviora paciarpiełych stracili majomaść na sumu bolš za 2,6 miljona rubloŭ. Akramia taho, za materyjalnaje ŭznaharodžańnie abvinavačany pieradaŭ inšaj asobie rekvizity bankaŭskich kart i aŭtentyfikacyjnyja danyja.
Prakuratura, vyvučyŭšy materyjały spravy, paćvierdziła abhruntavanaść abvinavačvańniaŭ, dastatkovaść dokazaŭ i paŭnatu daśledavańnia abstavinaŭ złačynstvaŭ. Dziejańni abvinavačanaha kvalifikavanyja pa č. 4 art.209 i č. 1 art. 222 Kryminalnaha kodeksa. Raniej abranaja miera strymańnia ŭ vyhladzie zaklučeńnia pad vartu pakinutaja bieź źmienaŭ.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary