16-гадовы хлопец падпрацоўваў кур'ерам тэлефонных махляроў і вынес 2,6 мільёна рублёў
У суд перададзеная крымінальная справа супраць 16-гадовага мінчука.
Яму выстаўленыя абвінавачванні ў махлярстве ў асабліва буйным памеры, здзейсненым групай асоб, а таксама ў незаконным распаўсюдзе рэквізітаў банкаўскіх карт і аўтэнтыфікацыйных даных, якія дазваляюць атрымаць доступ да рахункаў, піша Onliner.by.
Згодна з матэрыяламі справы, хлопец удзельнічаў у тэлефонных махлярствах, выконваючы ролю кур'ера ў злачыннай групе. Па ўказанні «куратараў» ён прыязджаў да пацярпелых для атрымання грошай і маёмасці, якія затым перадаваў іншым членам групы.
У выніку яго дзеянняў чацвёра пацярпелых страцілі маёмасць на суму больш за 2,6 мільёна рублёў. Акрамя таго, за матэрыяльнае ўзнагароджанне абвінавачаны перадаў іншай асобе рэквізіты банкаўскіх карт і аўтэнтыфікацыйныя даныя.
Пракуратура, вывучыўшы матэрыялы справы, пацвердзіла абгрунтаванасць абвінавачванняў, дастатковасць доказаў і паўнату даследавання абставінаў злачынстваў. Дзеянні абвінавачанага кваліфікаваныя па ч. 4 арт.209 і ч. 1 арт. 222 Крымінальнага кодэкса. Раней абраная мера стрымання ў выглядзе заключэння пад варту пакінутая без зменаў.
Цяпер чытаюць
Што Бабарыка і Калеснікава адказалі на пытанні пра вайну97
Каментары