Z 2025 hoda biełarusam z dyjabietam buduć vydavać insulin u špryc-asadkach biaspłatna
Ilustracyjnaje fota ajovy.com
U nastupnym hodzie ŭsich pacyjentaŭ z cukrovym dyjabietam płanujuć pieravieści na kartrydžnuju formu injekcyj insulinu, što spraščaje ŭviadzieńnie preparata, piša BiełTA sa spasyłkaj na hałoŭnaha pazaštatnaha śpiecyjalista pa endakrynałohii Ministerstva achovy zdaroŭja Volhu Sałko.
Pacyjenty ź I typam dyjabietu ŭžo ŭ 2022 hodzie pieraviedzieny na kartrydžy. Častka pacyjentaŭ z II typam cukrovaha dyjabietu pracazdolnaha ŭzrostu taksama vykarystoŭvajuć hetuju formu.
Špryc-asadka dla injekcyj vonkava amal nie adroźnivajecca ad zvyčajnaj, tolki zamiest stryžnia ŭ joj znachodzicca kartrydž ź insulinam, a zamiest piara — adnarazovaja insulinavaja ihołka. Heta dazvalaje chutka pravieści praceduru ŭ lubym miescy: u kafe, na vulicy ci ŭ hramadskim transparcie.
Volha Sałko adznačyła, što ŭ Biełarusi čakajuć ułasnaj vytvorčaści z nastupnaha hoda, kab zabiaśpiečyć absalutna ŭsich, chto maje patrebu, pacyjentaŭ, jakija vykarystoŭvajuć insulin, mienavita kartrydžnaj formaj. Pakul insuliny ŭ nas vyrablajucca ŭ fłakonach.
Pavialičvajecca i kolkaść pacyjentaŭ, jakija vykarystoŭvajuć pompavuju insulinaterapiju, što ličycca jašče bolš zručnym mietadam dla pacyjentaŭ z dyjabietam. Na siońnia heta 422 čałavieki, ź ich 232 — dzieci.
Pa aficyjnych dadzienych, u krainie 383 tys. darosłych pacyjentaŭ z cukrovym dyjabietam II typu.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary