Hary Kiejn staŭ uładalnikam «Załatoj bucy» jak najlepšy bambardzir jeŭrapiejskich lih
Eks-forvard «Totenchiema» ŭ minułym siezonie zabiŭ 44 miačy va ŭsich turnirach.
Forvard «Bavaryi» Hary Kiejn staŭ uładalnikam «Załatoj bucy» jak najlepšy bambardzir jeŭrapiejskich lih pa vynikach siezona-2023/2024.
Anhlijski hulec zaviaršyŭ siezon z 36 hałami ŭ čempijanacie Hiermanii. Jaho najbližejšym pieraślednikam staŭ forvard «Štutharta» Sieru Hirasi (28 zabitych miačoŭ). Na trecim radku forvard «PSŽ» Kilijan Mbape (27 hałoŭ).
U minułym siezonie ŭ składzie miunchiencaŭ (u tym liku ŭ Kubku Hiermanii i Lizie čempijonaŭ) za 45 matčaŭ Kiejn zabiŭ 44 hały i addaŭ 12 vynikovych pieradač. U apošni raz na futbolnaje pole 30-hadovy anhličanin vychodziŭ 4 maja ŭ matčy sa «Štuthartam». Paśla hetaha jon nie hulaŭ z-za traŭmy.
Nahadajem, hety siezon u «Bavaryi» staŭ dla Kiejna debiutnym u Bundeślizie. Pa vynikach siezona Hary i jaho kłub nie zmahli vyjhrać nivodnaha tytuła.
Kamientary