Rasijski ŭdar źniščyŭ drukarniu ŭ Charkavie, dzie publikavalisia knihi Aleksijevič
Dypłamaty, navukoŭcy, žurnalisty, pradstaŭniki kultury i litaratury zachodnich krain zajavili ab svajoj padtrymcy charkaŭskaha vydaviectva Vivat, čyju drukarniu abstralali ŭčora rasijskija vojski.
Rasijanie ŭ noč na 23 maja razbambili ŭ Charkavie vydaviectva — 7 supracoŭnikaŭ zahinuli, 14 paranienyja. Adna rakieta paceliła ŭ centr cechu. Z čatyroch tysiač kvadratnych mietraŭ zrujnavali bolš za tysiaču. Heta byŭ najbolšy palihrafičny kompleks poŭnaha cykłu ŭ Jeŭropie, u jakim drukavalisia amal usie vydaviectvy Ukrainy, piša Radyjo Svaboda.
U hetym vydaviectvie ŭ 2016 i 2020 hodzie vydali ŭkrainskija pierakłady knih Nobeleŭskaj laŭreatki Śviatłany Aleksijevič — «Ostańni śvidki. Soło dla ditiačoho hołosu», «U vijni nie žinočie obliččia», «Čornobilśka molitva. Chronika majbutńoho».
Prezident Ukrainy Uładzimir Zialenski apublikavaŭ videazapis zrujnavanaj drukarni.
«Udar Rasii pa Charkaŭskaj vobłaści, u vyniku jakoha zahinuli i paranienyja ludzi, zrujnavanaja drukarnia i spalena 50 tysiač knih, demanstruje, što Rasija vajuje z čałaviečnaściu i ŭsimi aśpiektami narmalnaha žyćcia. Rasiejskija terarysty zabivajuć darosłych i dziaciej, rujnujuć harady i vioski, pakidajučy vypalenyja plamy tam, dzie niekali było narmalnaje žyćcio», — zajaviŭ Uładzimir Zialenski.
Brytanski historyk, ekspert pa Uschodniaj Jeŭropie, Tymaci Hartan Eš, knihu jakoha niadaŭna vydali va Ŭkrainie, zajaviŭ, što jaho šakavaŭ abstreł drukarni.
«Šakavany, kali daviedaŭsia, što drukarnia ŭ Charkavie, dzie tolki niadaŭna nadrukavali vydańnie «Ridni ziemli», paciarpieła ad rasiejskaj ataki, jakaja pryviała da achviar. My pavinny bolš abaraniać Ukrainu», — napisaŭ jon na svajoj staroncy ŭ sietcy X (kolišni Twitter).
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary