Na starych haradskich mohiłkach u Smarhoni 15 maja zhareła nievialikaja katalickaja kaplica XIX stahodździa. Fota apublikavała parafija śviatoha archanioła Michała.
«Zhareła staradaŭniaja kaplica na starych mohiłkach u Smarhoni. Zhareŭ abraz Jezusa i dach kaplicy. Pobač z kaplicaj niechta vypalvaŭ pień staroha dreva — mahčyma heta stała pryčynaj pažaru…», — udakładnili ŭ parafii.
Zbudavańnie nie značycca ŭ śpisie kulturnych kaštoŭnaściaŭ, adnak incydent vielmi zasmuciŭ miascovych viernikaŭ. Niekatoryja ź ich padazrajuć, što kaplica mahła być spalena nie vypadkova, a śpiecyjalna, piša katolik.life.
Ci budzie pravodzicca pravierka pa fakcie incydentu, pakul nie paviedamlajecca. Aficyjnych paviedamleńniaŭ pra zharełuju kaplicu pakul niama.
U śniežni 2023 hoda ŭ kaściole śviatoha Archanioła Michała ŭ Smarhoni byŭ ździejśnieny akt vandalizmu. Miascovy žychar nanosiŭ udary ciažkim pradmietam pa mašynach, raźbiŭ fihuru Maci Božaj Biezzahannaha Začaćcia, vyrvaŭ mietaličny kryž z ruk Michała Archanioła.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia32
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary