Administracyja Babrujskaj papraŭčaj kałonii № 2 inicyjavała suprać palitviaźnia Eduarda Babaryki novuju kryminalnuju spravu, piša «Biełsat».
Hetym razam jaho abvinavacili ŭ parušeńni artykuła 411 Kryminalnaha Kodeksu Respubliki Biełaruś — złosnaje niepadparadkavańnie patrabavańniam administracyi papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli. Pakarańnie — hod pazbaŭleńnia voli.
Eduard Babaryka adbyvaje pakarańnie ŭ Babrujskaj papraŭčaj kałonii № 2, jon pakarany 8 hadami źniavoleńnia. Z ulikam znachodžańnia ŭ SIZA Eduardu Babaryku zastajecca pravieści za kratami kala 4,5 hadoŭ. U vypadku, kali jon budzie pryznany vinavatym pavodle artykuła 411 KK RB, ahulnym termin jaho źniavoleńnia pavialičycca na adzin hod.
18 lipienia 2020 hoda Eduarda Babaryku zatrymali razam z baćkam, Viktaram Babarykam, kali jany nakiroŭvalisia ŭ CVK zdavać sabranyja podpisy dla rehistracyi ŭ jakaści kandydata na pasadu prezidenta Biełarusi Viktara Babaryki. Eduarda abvinavacili pa troch artykułach — 342 (arhanizacyja i padrychtoŭka dziejańniaŭ, jakija hruba parušajuć hramadski paradak), 243 (uchileńnie ad vypłaty sum padatkaŭ i zboraŭ), a taksama 130 (raspalvańnie varožaści). Sud pakaraŭ jaho pazbaŭleńniem voli na 8 hod.
Eduard Babaryka jašče moža abskardžvać dziejańni administracyi kałonii, ale praktyka apošnich hod śviedčyć, što takija dziejańni nie majuć pierśpiektyvy.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary