Ułaśniki handlovaj sietki daŭno nie pryjazdžajuć u Biełaruś, ale im dazvolili zbudavać vialiki biznes unutry krainy. Čym heta možna patłumačyć?
Pra heta parazvažaŭ viadomy ekanamist, administratyŭny dyrektar Centra ekanamičnych daśledavańniaŭ BEROC Pavieł Daniejka ŭ novym vypusku «Tok».
Ułaśnikaŭ «Jeŭraoptu» Siarhieja Litvina i Uładzimira Vasilku ŭ 2003 hodzie ledź nie zatrymali. Pavodle vysnoŭ Departamienta finansavych rasśledavańniaŭ Kamiteta dziaržkantrolu, biznesoŭcy mieli dačynieńnie da stvareńnia złačynnaj arhanizacyi i byli vinavatyja ŭ niaspłatach mytnych płaciažoŭ, kantrabandzie, admyvańni dachodaŭ, nažytych złačynnych šlacham.
Ale jany źjechali za miažu i z toj pary nie pryjazdžajuć u Biełaruś. Pry hetym im dazvolili zbudavać samuju vialikuju handlovuju sietku ŭnutry krainy. Čym heta možna patłumačyć?
Pa słovach Daniejki, dla jaho taksama taki fienomien «Jeŭraoptu» vyhladaje dziŭnym. Ekanamist havoryć, što nie zaŭvažaŭ nijakaj suviazi hetaj handlovaj sietki z uładami Biełarusi. Pry hetym jon źviartaje ŭvahu na toje, što «Jeŭraopt» našmat napieradzie ŭ paraŭnańni ź inšymi:
«Razryŭ pamiž imi i nastupnym kankurentam jak minimum u dva razy. Heta dziŭna. Zvyčajna ŭ krainie isnujuć dźvie paralelnyja sietki».
Ekanamist dapuskaje, što ŭładam Biełarusi «Jeŭraopt» vyhadny svajoj handlovaj palitykaj: «Jany nakryli samyja nizkija cenavyja siehmienty i ŭ pryncypie vyrašyli takuju zadaču roźnicy, jakaja narmalna funkcyjanuje ŭ tych rehijonach, kudy nie ŭsie išli».
Hladzicie całkam:
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary