Skakun Maksim Niedasiekaŭ pra Alimpijadu: Jak biełarusy pajeduć u Paryž? Dzie buduć žyć? I na pratesty nielha zapluščvać vočy
Bronzavy pryzior Tokia-2021 raskazaŭ, jak prachodzić jaho reabilitacyja. Spartsmienu zrabili apieracyju, tamu vialikaja imaviernaść, što jon prapuścić uvieś letni siezon. Na Alimpijadu ŭ Paryž jon nie pajedzie dakładna. Mižnarodnaja fiederacyi lohkaj atletyki suprać udziełu biełarusaŭ i rasijanaŭ u Hulniach. Vykazaŭ jon i mierkavańnie pra Alimpijadu.
«Baču, što zaraz idzie dyskusija ab tym, jak buduć biełarusy vystupać na Alimpijadzie. Ja starajusia hetaj temy nie zakranać — bo mianie heta nie tyčycca. Tut i traŭma, i ŭvohule staŭleńnie da biełaruskaj lohkaj atletyki z boku IAAF (Mižnarodnaja fiederacyja lohkaj atletyki). Za minuły hod ničoha nie źmianiłasia.
A kali pafantaziravać i ŭjavić, što našych tudy dapuściać u Paryž… Jak jany tudy pajeduć? Jakija buduć adnosiny da ich? Dzie jany buduć žyć? U alimpijskaj vioscy? Usio heta vielmi niaprosta. Dy i situacyja ŭ Francyi vyklikaje pytańni. Na pratesty ž nielha zapluščyć vočy…», — parazvažaŭ lohkaatlet.
Nahadajem, što biełarusaŭ i rasijanaŭ mohuć dapuścić da Alimpijady ŭ Paryžy ŭ niejtralnym statusie i z admaŭleńniem ad supracoŭnictva ź siłavymi strukturami. Na hety momant u Paryž zavajavali licenzii (adabralisia na Alimpijadu) 19 čałaviek. U Tokia-2021 brali ŭdzieł 108 biełaruskich spartoŭcaŭ. I heta była samaja minimalnaja pa ŭdziele Letniaja Alimpijada.
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»14
Kamientary