Ukraina patrabuje nie dapuskać da Alimpijady-2024 biełarusku. U čym pytańnie?
Nacyjanalny alimpijski kamitet Ukrainy nakiravaŭ aficyjny list MAK.
NAK Ukrainy, a taksama Minsportu krainy patrabuje ad Mižnarodnaha alimpijskaha kamiteta nie dapuskać da Alimpijady-2024 u Paryžy biełaruskuju barčychu Vanesu Kaładzinskuju.
U aficyjnym liście havorycca, što spartsmienka nie adpaviadaje kryteram niejtralnaści dla ŭdziełu ŭ hulniach. U dadatku da lista NAK pradstaviŭ dokazy. U dakumiencie paznačana, što Vanesa Kaładzinskaja 9 studzienia prysutničała na mierapryjemstvie z udziełam Łukašenki. Akramia taho, jana źjaŭlajecca instruktaram pa sporcie ŭ struktury MUS.
Pa anałahičnych pryčynach Ukraina patrabuje adchilić ad hulniaŭ šerah spartoŭcaŭ z Rasii.
Nahadajem, zhodna z rašeńniem MAK, biełaruskija i rasijskija spartsmieny zmohuć udzielničać u Alimpijadzie tolki ŭ niejtralnym statusie i tolki ŭ indyvidualnych spabornictvach. Pry hetym da Hulniaŭ nie dapuściać spartsmienaŭ, jakija adkryta padtrymlivali vajnu Rasii suprać Ukrainy, a taksama majuć dačynieńnie da siłavych struktur i armii Biełarusi i Rasii.
Vanesa Kaładzinskaja — bronzavy pryzior Alimpijady-2020, dvuchrazovaja čempijonka śvietu i trochrazovaja čempijonka Jeŭropy. Jana ŭziała alimpijskuju licenziju na letašnim čempijanacie śvietu, zavajavaŭšy srebra ŭ katehoryi da 53 kh.
Kamientary