U rasijskim Orsku ŭźnikli vialikija prablemy z vadoj z-za maštabnaj pavodki
«My adčuli pieraboi z vadoj amal va ŭsich rajonach horada», — paviedamiŭ mer horada.
Minułaj nočču ŭ Orsku adklučyłasia elektrazabieśpiačeńnie abjektaŭ Kumakskaha vodazaboru, z-za čaho ŭ horadzie źniziłasia padača vady, piša RBK.
«Istotnaje źnižeńnie padačy vady tłumačycca adsutnaściu elektrazabieśpiačeńnia abjektaŭ vodazaboru hetaj nočču. U hety momant elektrazabieśpiačeńnie adnaŭlajecca», — skazana ŭ paviedamleńni.
U «Arienburhenierha» parušeńnie elektrazabieśpiačeńnia vodazaboru patłumačyli padtapleńniem linii elektrapieradačy Orsk vytvorčaha adździaleńnia. Siłkavańnie častki abstalavańnia pieraviali na inšuju liniju, viaducca raboty pa likvidacyi niaspraŭnaści.
«My adčuli pieraboi z vadoj amal va ŭsich rajonach horada», — paviedamiŭ mer Vasilij Kazupica. U adnym z rajonaŭ zabiaśpiečyli razdaču vady žycharam z 70 jomistaściaŭ abjomam 1000 ł, asobna vadu padvoziać u balnicy, dziciačyja sady i inšyja sacyjalnyja ŭstanovy.
U pačatku krasavika ŭ Orsku z-za ŭzdymu ŭzroŭniu vady ŭ race Urał prarvała achoŭnuju dambu, pačałosia zatapleńnie niekatorych rajonaŭ horada. Pik pavodki byŭ projdzieny 9 krasavika, kazaŭ Kazupica. Uzrovień vady ŭ Orsku na maksimumie dasiahnuŭ 975 sm. byli padtopleny kala 7 tysiač damoŭ.
Ciapier čytajuć
Maładuju arhanizatarku viasiellaŭ asudzili za «raspalvańnie varožaści»3
Kamientary