Žychary zatoplenaha Orska vyjšli na mitynh z łozunham «Pucin, pamažy!»
Palicyja sprabavała razahnać udzielnikaŭ akcyi.
Kala sotni žycharoŭ Orska ŭ Arenburhskaj vobłaści sabralisia na stychijny mitynh kala miascovaha pomnika Leninu. Jany niezadavolenyja dziejańniami ŭładaŭ pa likvidacyi nastupstvaŭ pavodki i pamieram vypłat paciarpiełym.
Žychary padtoplenaha Orska zapisali videazvarot da Pucina, jany skandavali «Pucin, pamažy!» i «Hańba» na adras miascovych čynoŭnikaŭ, paviedamlaje kanał «Ostorožno novosti».
Miascovaja prakuratura papiaredžvała pra niezakonnaść akcyi, a palicyja sprabavała razahnać mitynh. Da pratestoŭcaŭ vyjšaŭ mer horada Vasil Kazupica, adnak razmovy nie atrymałasia: žychary skandavali «Sychodź!»
Zatym natoŭp rušyŭ da budynka administracyi, jaki byŭ zabłakavany palicyjaj. Paviedamlajecca, što inicyjatyŭnaj hrupie ŭsio ž udałosia ŭvajści ŭ budynak. astatnich siłaviki adcisnuli. Žychary cikaviacca va ŭładaŭ, kali budzie stvoranaja kamisija pa acency škody i kali ludzi zmohuć viarnucca ŭ svaje damy.
U vyniku krytyčnaha pavyšeńnia ŭzroŭniu vady ŭ race Urał i praryvu damby ŭ niekalkich miescach u Orsku i Arenburhu byli zatoplenyja 10 tysiač damoŭ. Tysiačy ludziej byli evakujavanyja.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary