Śviet88

Pavodka ŭ Orsku raźvivajecca pa «najhoršym scenary»

U Orsku praciahvajecca evakuacyja miascovych žycharoŭ, jakija trapili ŭ zonu zatapleńnia z-za praryvu adnoj z dambaŭ. Uviečary 6 krasavika prarvała druhuju dambu, ułady abjavili evakuacyju ŭ pasiołku Nikiel, a taksama ŭ rajonie Novaha horada. Situacyja pačała paharšacca i ŭ Arenburhu, dzie miascovyja ŭłady zakryli niekalki vulic i zavułkaŭ i zaklikali žycharoŭ niebiaśpiečnych zon pakinuć svaje damy dobraachvotna. Pavodkavaja abstanoŭka raźvivajecca ŭ Orsku pa najhoršym scenary, paviedamili miascovyja ŭłady. «Mieduza» sabrała hałoŭnaje, što adbyłosia da ranicy 7 krasavika.

Orsk. Fota: MNS RF

Uviečary 6 krasavika ŭ Orsku prarvała druhuju dambu ŭ rajonie vulicy Barysahlebskaj. Ułady abjavili ab evakuacyi žycharoŭ pasiołka Nikiel.

Akramia taho, sms ab evakuacyi ŭviečary 6 krasavika atrymali i žychary Novaha horada Orska, paviedamiła miascovaje vydańnie «Urał56». U MNS pa rehijonie TASS paviedamili , što vada nabližajecca da novaj častki horada i paćvierdzili, što evakuacyja abjaŭlena dla žycharoŭ troch vulic mikrarajona. U Orsku zatapiła centralnuju płošču Haharyna.

Ranicaj 7 krasavika ŭłady paviedamili , što «pa najhoršym scenary» raźvićcia abstanoŭki ŭ rajonie padtapleńnia apynucca 6644 žyłyja damy.

Usiaho ŭ horadzie było evakuiravana 1164 čałavieki, u tym liku 336 dziaciej. Pa danych urada Arenburhskaj vobłaści, u Orsku arhanizavana 12 punktaŭ časovaha raźmiaščeńnia dla evakuiravanych.

Situacyja pačała paharšacca i ŭ Arenburhu. Prytok pavodkavych vod va ŭradzie vobłaści nazvali «stabilnym», adnak viečaram 7 krasavika ŭłady abjavili ab častkovym abmiežavańni ruchu aŭtamabilaŭ i ab uźviadzieńni štučnaha nasypu na vulicy Uralskaj. 

Da ranicy 7 krasavika ŭ haradskoj administracyi paviedamili , što za sutki raka Urał u Arenburha dadała jašče 28 santymietraŭ. Miascovaje vydańnie «Urał56» adznačaje, što ŭzrovień vady dasiahnuŭ 856 santymietraŭ, niebiaśpiečnym ličycca 930 santymietraŭ.

Padtoplenymi akazalisia 1347 domaŭładańniaŭ, evakuiravali 428 čałaviek, u tym liku 27 dziaciej. Paźniej va ŭradzie paviedamili , što ŭ Arenburhu padtoplena 403 žyłyja damy. Evakuiravana 889 čałaviek, u tym liku 229 dziaciej.

Urad rekamiendavaŭ žycharam Arenburha i viosak, jakija znachodziacca ŭ zonie pavyšanaj ryzyki, pakinuć svaje damy, «nie čakajučy paharšeńnia situacyi». 

Kiraŭnik Arenburhskaj vobłaści Dzianis Paśler ranicaj 7 krasavika paviedamiŭ, što za sutki sukupny prytok vady ŭ Iryklinskaje vadaschovišča źmienšyŭsia, i situacyja dazvalaje źnizić abjom skidu vady na 500 kubamietraŭ u siekundu — da 1670. Adnak pavodkavyja pracesy, jak zajavili ŭ administracyi, «pakul nie źnižajuć temp». Hubiernatar Dzianis Paśler nazvaŭ pavodku 2024 hoda samaj šmatvodnaj za ŭsiu historyju nazirańniaŭ u Arenburhskaj vobłaści.

U Orsk prylacieŭ kiraŭnik MNS RF Alaksandr Kurankoŭ. Kurankoŭ zajaviŭ, što najbolš składanaja abstanoŭka — u Leninskim rajonie i rajonie Staroha horada Orska. Siły i srodki, zadziejničanyja ŭ likvidacyi nastupstvaŭ, jon nazvaŭ «dastatkovymi».

Niebiaśpieka pahražaje i susiedniaj Kurhanskaj vobłaści. Kiraŭnik rehijonu Vadzim Šumkoŭ napisaŭ uviečary 6 krasavika, što prahnoz pavodki rezka paharšajecca. Pavodle jaho słoŭ, pa Kurhanie ŭžo čakajecca ŭzrovień vady vyšejšy za dzieviać mietraŭ z mahčymym dasiahnieńniem uzroŭniu 1994 hoda. Šumkoŭ pieraličyŭ u svaim paviedamleńni šerah nasielenych punktaŭ, jakija ŭ takim vypadku buduć padtoplenymi.

Kamientary8

  • hojdastan papłyŭ
    07.04.2024
    heta recha svo viarnułasia na rasieju
  • Kara rašystam
    07.04.2024
    Moža pucinoidy i tam znajšli śled ci vizitoŭku SBU? Bo rašysty i nie na takoje zdatnyja
  • Chobot
    07.04.2024
    Chobit, orki zaraz stanuć ichtyjandrami

Ciapier čytajuć

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Usie naviny →
Usie naviny

Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei3

Padčas izrailskaj ataki na Iran zabili kamandzira śpiecpadraździaleńnia «Kuds»1

Nietańjachu ŭvioŭ Iran u zman z dapamohaj viasiella, a Tramp — svaimi zajavami8

Izrail pačaŭ novuju chvalu ŭdaraŭ pa Iranie12

Tramp: Niezrazumieła, ci zastałasia ŭ Irana jadziernaja prahrama3

«Raniej byŭ smačniejšy». U tyktoku abmierkavali minułaje i sučasnaść kvasu z žoŭtaj bočki6

U Minsku źjavilisia «čystamaty». Što heta takoje i jak jany pracujuć?10

«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa31

Biełaruskija ajcišniki źjazdžajuć ź Litvy? Jak źmianiajecca kolkaść biełarusaŭ u Litvie pa typach DNŽ12

bolš čytanych navin
bolš łajkanych navin

Što moža čakać tych, kaho buduć sudzić pa spravie «Biełaruskaha Hajuna»?

Što moža čakać tych, kaho buduć sudzić pa spravie «Biełaruskaha Hajuna»?

Hałoŭnaje
Usie naviny →

Zaŭvaha:

 

 

 

 

Zakryć Paviedamić