Maładzieńkaj biełaruskamoŭnaj nastaŭnicy pahražaje da 10 hadoŭ turmy za padtrymku Ukrainy i ŭdzieł u pratestach
Jaje imia źjaviłasia ŭ raskładzie sudoŭ.
Zatrymanaj Darji Chmialnickaj 23 hady, rodam jana ź Minska. Žyła ŭ rajonie Łošycy, ale vučyłasia ŭ 12-j himnazii ŭ Minsku.
Paśla pastupiła na fiłfak BDU na śpiecyjalnaść «uschodniaja fiłałohija», vučyła kitajskuju movu. Jaje dypłom byŭ pryznany adnym z najlepšych dypłomaŭ fiłfaka 2022-ha. U 2023-m skončyła mahistraturu fiłfaka BDU. Paśla zakančeńnia ŭniviersiteta Darja raźmierkavałasia ŭ Instytut kanfucyja BDU.
Taksama jana ŭdzielničała ŭ konkursach pa napisańni ese i pierakładach na biełaruskuju movu. Letaś jana zaniała druhoje miesca na konkursie «Ziarcała słovaŭ» u katehoryi «mastacki pierakład kitajskaj prozy na biełaruskuju movu».
Darja zachaplajecca kitajskaj kulturaj i viadzie błoh pad niknejmam «Knižny cmok», dzie piša ŭłasnyja fanfiki (tvory pa matyvach inšych viadomych knih, filmaŭ, hulniaŭ i h.d.) na biełaruskaj movie i raspaviadaje pra svajo žyćcio. Apošniaja publikacyja tam datujecca 13 maja 2023 hoda.
Nieviadoma, kali Darju zatrymali, ale, imavierna, uvosień 2023-ha. Jaje vinavaciać pa dvuch artykułach — č.1 art 342 KK i č. 2 art. 361-3.
Pieršy artykuł — arhanizacyja dziejańniaŭ, jakija hruba parušajuć hramadski paradak, ci ŭdzieł u ich. Druhi — viarboŭka, navučańnie, inšaja padrychtoŭka abo vykarystańnie biełarusaŭ dla ŭdziełu na terytoryi inšaj dziaržavy ŭ vajnie, a taksama finansavańnie abo inšaje materyjalnaje zabieśpiačeńnie takoj dziejnaści. Jaho zvyčajna dajuć tym, chto niejkim čynam dapamahaŭ Ukrainie.
Sud nad dziaŭčynaj pačniecca 22 krasavika ŭ Minskim haradskim sudzie.
«Naša Niva» — bastyjon biełaruščyny
PADTRYMAĆCiapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»11
Kamientary
I biez palityčnych krokaŭ i pierśpiektyvy ŭ hetaha vystupu nulavyja. A kali chtości ź ich zojdzie ŭ Biełaruś, u jakoj ničoha palityčna nie źmianiłasia, hetaje padraździaleńnie apyniecca źniščanym biełaruskim vojskam.
Ale papaŭniać šerahi dobraachvotnikaŭ treba. I danacić treba. Adnak dosyć viarźci łuchtu