Alaksandr Łukašenka na naradzie pra stan i zadačy raźvićcia pramysłovaści nazvaŭ situacyju z pasiarednictvam katastrofaj i zajaviŭ, što źbirajecca pravieści naradu pa jaho likvidacyi.
«Treba zapłanavać naradu ŭ mianie — chaj urad mnie zrobić spravazdaču pa likvidacyi pasiarednictva. Ja ŭžo dziesiać razoŭ pra heta kazaŭ: kab razam z hubiernatarami pryniali rašeńni. Heta katastrofa», — zajaviŭ jon.
Adzin z ahraryjaŭ, pavodle słoŭ Łukašenki, niadaŭna paskardziŭsia, što kuplaje chimikaty i nasieńnie ŭ Rasii, bo ŭ Biełarusi z-za pasiarednikaŭ cana na ich utraja vyšejšaja.
«I ŭ ich hetych pasiarednikaŭ bolš, čym treba. My kaliści damaŭlalisia. Dzieści niemahčyma abyścisia biez hetych pasiarednikaŭ. Chaj ministr prymie rašeńnie, jon budzie nieści adkaznaść. Ci jon niejkuju sistemu prazrystuju ŭstaluje, kab my bačyli, što tam adbyvajecca. Ale hetych pasiarednikaŭ treba prybirać. Treba rabić samim. Heta vialiki kavałak pracy», — zajaviŭ Łukašenka.
Łukašenka maryć pra toje, kab vyklučyć ź biełaruskaj ekanomiki pasiarednikaŭ, šmat hadoŭ. Na jaho dumku, heta vyrašyła b mnohija prablemy. 15 hadoŭ tamu, 28 lipienia 2009 hoda, była navat vydadziena pastanova Savieta Ministraŭ № 991 «Ab niekatorych pytańniach nabyćcia tavaraŭ na terytoryi Respubliki Biełaruś», pavodle jakoj z 31 lipienia 2009-ha ŭ krainie faktyčna byŭ zabaronieny aptovy pieraprodaž tavaraŭ, a jurydyčnym asobam zakupki dazvalałasia rabić tolki ŭ vytvorcaŭ tavaraŭ abo ich aficyjnych pradstaŭnikoŭ. Ale hetuju pastanovu praź niekalki dzion daviałosia admianić, pakolki jana ledź nie pryviała da kałapsu ŭsiaho handlu.
Z taho času nastolki revalucyjnych krokaŭ bolš nie rabili, ale mara Łukašenki pazbavicca ad pasiarednikaŭ nikudy nie dziełasia, i jon čas ad času da hetaj temy publična viartajecca. Tak, u 2021 hodzie na UNS jon zapatrabavaŭ pasiarednikaŭ «daščentu vykaranić», pastaviŭšy na miesca tych, chto «žyruje na sialanach».
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ16
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
I voobŝie postanovka takoho voprosa i jesť riezultat vsiej žiźni strany/stran ot 1917 hoda.
Vsie myšlenije prostieckije i hłupyje, tak kak kto moh dumať i sozidať byli ubity ili ujechali.