Daŭžnikam pa kamunałcy ŭ Biełarusi zabaraniajuć atrymlivać tavary na Wildberries
Źjaviŭsia aryhinalny sposab uździejańnia na niepłacielščykaŭ.
Spahnańniem zapazyčanaści pa kamunalnych płaciažach zajmajucca adździeły prymusovaha vykanańnia. U rasparadžeńni hetych orhanaŭ mnostva instrumientaŭ uździejańnia, raspaviała namieśnik načalnika adździeła prymusovaha vykanańnia Ščučynskaha rajona Alena Łaščeŭskaja.
Tak, rabotniki adździełaŭ prymusovaha vykanańnia mohuć zabaraniać daŭžnikam atrymlivać tavary ŭ punktach vydačy markietpłejsaŭ— naprykład, Wildberries abo OZON.
Siarod inšych mietadaŭ spahnańnia zapazyčanaści — śpisańnie ŭ biassprečnym paradku hrošaj z rachunkaŭ daŭžnika, aryšt majomaści, časovaja zabarona na vyjezd ź Biełarusi, časovaja zabarona na kiravańnie aŭtamabilem, abmiežavańnie daŭžnika ŭ pravie karystacca pasłuhami mabilnaj suviazi, pasłuhami «Biełtelekama», zabarona na atrymańnie paštovych adpraŭleńniaŭ, paviedamlaje «Dziańnica».
Kali daŭžnik nie płacić za kamunałku šeść miesiacaŭ zapar, to jaho mohuć vysielić z žyłoha pamiaškańnia. Sudovaja praktyka pakazvaje, što takich daŭžnikoŭ vysialajuć biez davańnia inšaha žylla.
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior6
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary