Даўжнікам па камуналцы ў Беларусі забараняюць атрымліваць тавары на Wildberries
З'явіўся арыгінальны спосаб уздзеяння на неплацельшчыкаў.
Спагнаннем запазычанасці па камунальных плацяжах займаюцца аддзелы прымусовага выканання. У распараджэнні гэтых органаў мноства інструментаў уздзеяння, распавяла намеснік начальніка аддзела прымусовага выканання Шчучынскага раёна Алена Лашчэўская.
Так, работнікі аддзелаў прымусовага выканання могуць забараняць даўжнікам атрымліваць тавары ў пунктах выдачы маркетплэйсаў— напрыклад, Wildberries або OZON.
Сярод іншых метадаў спагнання запазычанасці — спісанне ў бясспрэчным парадку грошай з рахункаў даўжніка, арышт маёмасці, часовая забарона на выезд з Беларусі, часовая забарона на кіраванне аўтамабілем, абмежаванне даўжніка ў праве карыстацца паслугамі мабільнай сувязі, паслугамі «Белтэлекама», забарона на атрыманне паштовых адпраўленняў, паведамляе «Дзянніца».
Калі даўжнік не плаціць за камуналку шэсць месяцаў запар, то яго могуць выселіць з жылога памяшкання. Судовая практыка паказвае, што такіх даўжнікоў высяляюць без давання іншага жылля.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт1
Каментары