«Brazilski Tramp» chavaŭsia ŭ pasolstvie Vienhryi, kab paźbiehnuć aryštu pa spravie dziaržpieravarotu
Žurnalisty vydańnia The New York Times daviedalisia, što były prezident Brazilii Žair Bałsanaru, jakoha padazrajuć u sprobie zachopu ŭłady ŭ krainie paśla projhryšu na vybarach, dva dni načavaŭ u pasolstvie Vienhryi, kab schavacca ad palicyi. Raspačata rasśledavańnie.
Jak paviedamlaje ahienctva Assosiated Press, brazilskaja palicyja pačała aficyjnaje rasśledavańnie faktu dvuchdzionnaj načoŭki byłoha prezidenta Brazilii Žaira Bałsanaru ŭ pasolstvie Vienhryi.
Pierad hetym žurnalisty The New York Times vyśvietlili, što Bałsanaru chavaŭsia tam ad mahčymaha aryštu. Pryjom i načleh palityku zabiaśpiečyŭ asabista pasoł Vienhryi ŭ Brazilii.
Padziei, pra jakija idzie havorka, adbyvalisia jašče ŭ lutym na fonie rejdaŭ palicyi pa damach hałoŭnych pamahatych Bałsanaru, pieradaje Associated Press.
Ahienctva adznačaje, što vienhierski premjer-ministr Viktar Orban źjaŭlajecca adnym z daŭnich i najbližejšych sajuźnikaŭ Bałsanaru, jaki patencyjna moh zabiaśpiečyć jamu prytułak u pasolstvie, kudy brazilskaja palicyja nie mieła b prava zachodzić.
Nahadajem, što Viarchoŭny sud Brazilii niadaŭna apublikavaŭ dakumienty, jakija tyčacca spravy byłoha prezidenta krainy Žaira Bałsanaru ab sprobie niezakonnaha ŭtrymańnia ŭłady paśla projhryšu na prezidenckich vybarach u kastryčniku 2022 hoda.
Pavodle sudovych dakumientaŭ, u apošnija dni svajho prezidenckaha terminu Bałsanaru raptoŭna sklikaŭ naradu z vyšejšym vajskovym kamandavańniem krainy i prapanavaŭ im płan pa admienie vynikaŭ vybaraŭ šlacham jurydyčnych manipulacyj albo ŭviadzieńnia nadzvyčajnaha stanovišča.
Hienieralitet u adkaz zajaviŭ, što «vyniki vybaraŭ niemahčyma admianić vajskovym šlacham» i što za heta prezident paniasie adkaznaść. U pryvatnaści, hałoŭnakamandujučy brazilskaj armijaj hienierał Marka Antonia Frejre Homies (ciapier u adstaŭcy) papiaredziŭ Bałsanaru, «što aryštuje jaho, kali toj pasprabuje zładzić dziaržpieravarot».
Sam Bałsanaru ŭsialak admaŭlaŭ svajo dačynieńnie da sprobaŭ zachapić uładu ŭ Brazilii, adznačyŭšy, što «dziaržaŭny pieravarot — heta kali na vulicach tanki, zbroja i zmoŭščyki. A ŭ Brazilii ničoha z hetaha nie adbyłosia».
Palityka časta paraŭnoŭvajuć z byłym prezidentam ZŠA Donaldam Trampam, bo pavodziny Bałsanaru i jahonych prychilnikaŭ paśla projhryšu na vybarach u Brazilii ŭ 2022-m nahadvali toje, što adbyvałasia ŭ ZŠA paśla projhryšu Trampa ŭ 2020-m.
Ciapier čytajuć
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary