Trampu vystavili abvinavačańni pa čaćviortaj spravie. Jaho abvinavačvajuć u sprobie pierahladu vynikaŭ vybaraŭ-2020
Pa novaj spravie prachodzić jašče 18 čałaviek.
Eks-prezidentu ZŠA Donaldu Trampu vystaŭleny abvinavačańni ŭ štacie Džordžyja. Vialikaje žury prysiažnych paličyła, što Tramp moža być datyčny da sproby pierahledzieć vyniki vybaraŭ prezidenta ŭ 2020 hodzie. Heta čaćviortaja kryminalnaja sprava, jakaja rasśledujecca ŭ dačynieńni da 45-ha prezidenta ZŠA, piša Bi-bi-si.
Trampu vystaŭleny abvinavačańni pa 11-ci punktach, u tym liku ŭ zmovie z metaj padrobki, sprobie schilić słužbovuju asobu da parušeńnia prysiahi, a taksama ŭ parušeńni zakona ab złačynnych arhanizacyjach.
Akramia Trampa, abvinavačańni vystaŭlenyja jašče 18-ci čałaviekam, siarod jakich — były kiraŭnik aparata Biełaha doma, paplečnik Trampa Mark Miedoŭz, advakat Trampa Rudolf Džulijani, supracoŭnik Ministerstva justycyi Džefry Kłark, juryst i kansultant Trampa Džon Istman.
Trampu ŭžo vystaŭleny abvinavačańni pa troch inšych spravach — ab zmovie z metaj admianić vyniki prezidenckich vybaraŭ 2020 hoda, ab niezakonnym utrymańni sakretnych dakumientaŭ i ab falsifikacyi spravazdačnaści dla ŭtojvańnia vypłaty hrošaj za maŭčańnie.
Padstavaj dla čarhovych abvinavačańniaŭ staŭ telefonny zvanok u studzieni 2021 hoda, padčas jakoha Tramp prapanoŭvaŭ dziaržsakrataru-respublikancu Džordžyi Bredu Rafienśpierhieru dapamahčy «znajści 11 780 hałasoŭ».
Tramp ciapier lidar siarod kandydataŭ ad Respublikanskaj partyi na vyłučeńnie na nastupnych prezidenckich vybarach. Jon vinu nie pryznaje.
Abvinavačańni prakurora akruhi Fułtan Fani Uilis, jakaja na praciahu dvuch hadoŭ pravodziła rasśledavańnie, jon nazvaŭ palityčna matyvavanymi.
Jak skazała Fani Uilis, prakuratura prapanuje pravieści sudovy praces ciaham nastupnych šaści miesiacaŭ.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju7
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7979
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie79
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary