45-y prezident ZŠA taksama nakinuŭsia na Bajdena, nazvaŭšy jaho Kryvym Džo.
Były prezident Tramp paviedamiŭ svaim prychilnikam u elektronnym liście pa zbory srodkaŭ u sieradu, što jamu moža pahražać da 561 hoda turemnaha źniavoleńnia paśla taho, jak Ministerstva justycyi vystaviła jamu abvinavačańnie ŭ suviazi ź jaho sprobami admianić vybary 2020 hoda, piša The Hill.
«Tak jak karumpavany Miniust Kryvoha Džo (majecca na ŭvazie Džo Bajden. — «NN») čarhovy raz niezakonna vystaviŭ abvinavačańnie vašamu pakornamu słuhu, fakty pakazvajuć na toje, što zaraz mnie moža pahražać ahułam 561 hod turemnaha źniavoleńnia za «palavańnie na viedźmaŭ» levych», — skazaŭ Tramp u elektronnym liście.
Adnak padsudnym redka prysudžajuć maksimalny termin turemnaha źniavoleńnia za ŭsie złačynstvy, za jakija jany asudžajucca, i terminy za roznyja złačynstvy mohuć naličvacca paśladoŭna, abmiažoŭvajučy ahulny čas, jaki abvinavačany pavinien pravieści ŭ turmie.
Trampu vystaŭlena čatyry abvinavačańni ŭ rasśledavańni śpiecyjalnym advakatam Džekam Śmitam padziej 6 studzienia 2021 hoda i inšych sprob utrymacca va ŭładzie paśla taho, jak jon u listapadzie 2020 hoda prajhraŭ Džo Bajdenu.
Były prezident taksama sutyknuŭsia z mnostvam jurydyčnych prablem u vyhladzie fiederalnaha abvinavaŭčaha akta pa 40 punktach u suviazi ź jaho abychodžańniem z sakretnymi materyjałami ŭ Mar-a-Łaha paśla taho, jak jon pakinuŭ Bieły dom. Abvinavačańni ŭklučajuć punkty ŭ adpaviednaści z zakonam ab špijanažy i abvinavaŭčy akt pa 34-ch punktach z Manchetenskaha suda.
Trampu taksama pahražaje jašče niekalki abvinavačańniaŭ, źviazanych z umiašańniem u vybary ŭ akruzie Fułtan (Džordžyja).
Krytyki raniej abvinavačvali byłoha prezidenta ŭ tym, što jon vykarystaŭ svaju pieradvybarčuju kampaniju, kab paźbiehnuć turemnaha źniavoleńnia abo sabrać srodki dla jurydyčnaj abarony.
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary