Praz ataki Ukrainy port Pieciarburha pierastaŭ adhružać amijačnuju saletru. Jana vybuchovaniebiaśpiečnaja
Vialiki port Sankt-Pieciarburha pierastaŭ adhružać amijačnuju saletru na fonie napadaŭ ukrainskich bieśpiłotnikaŭ. Apieracyi byli spynienyja ŭ lutym praz zabaronu ŭładaŭ, jakija zapatrabavali vynieści pieravałku vybuchovaniebiaśpiečnych uhnajeńniaŭ za rysu horada, piša «Kommiersant». Dla porta, jaki i tak znachodzicca ŭ niaprostym stanoviščy z-za straty handlu ź Jeŭropaj, heta istotny ŭdar.
Rašeńnie pa saletry pryniaŭ hubiernatar Sankt-Pieciarburha Alaksandr Biahłoŭ. Jak śćviardžajuć krynicy «Kommiersanta», jon pačaŭ bajacca dyviersii z razburalnymi dla horada nastupstvami paśla ataki bieśpiłotnikaŭ na Pieciarburhski naftavy terminał u studzieni.
U lutym RŽD dla ŭsich hruzaadpraŭščykaŭ uvodziła abmiežavańni na pahruzku amijačnaj saletry i nitratu amoniju z rucham da stancyj Bronka, Aŭtava, Novy Port. Kampanija tłumačyła hetaje rašeńnie «abstavinami, jakija ŭźnikli z-za abmiežavańnia pieravałki hruzu ŭ Vialikim porcie Sankt-Pieciarburha».
Jak adznačajuć krynicy vydańnia, vytvorcy,iakija adhružajuć pradukcyju praz port Sankt-Pieciarburha, šukajuć alternatyŭnyja varyjanty ekspartu. Pry hetym situacyja ŭskładniajecca tym, što ŭ Rasii nie chapaje partovych mahutnaściaŭ dla pieravałki ŭhnajeńniaŭ. U suviazi z hetym chimzavody ciapier častkova pracujuć «na skład».
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta2
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary