Armienija sastupić niekalki viosak Azierbajdžanu, kab praduchilić novuju vajnu
Praces demarkacyi i delimitacyi miažy pamiž Armienijaj i Azierbajdžanam pierajšoŭ u praktyčnuju fazu. Pra heta na sustrečy z žycharami vioski Vaskiepar u Tavušskaj vobłaści paviedamiŭ premjer-ministr Armienii Nikoł Pašynian.
«Heta aznačaje, što na miascovaści treba budzie vyznačyć miežy Respubliki Armienija. Usie my viedajem, a vy — lepš za mianie, dzie jana pačynajecca i dzie skančajecca», cytuje Pašyniana «Sputnik».
Jon padkreśliŭ, što jość šerah pytańniaŭ pa Vaskiepary, jakija patrabujuć abmierkavańnia ź miascovymi žycharami, i ŭkazaŭ na mahčymaść pačać udakładnieńnie miežaŭ z učastka Bahanis — Bierkabier.
Premjer nahadaŭ, što Baku kaža pra prablemy ŭ čatyroch vioskach, a armianski bok ukazvaje na prablemy ŭ 31 nasielenym punkcie.
«Baku kaža: davajcie ŭzajemna vyzvalim asnoŭnyja terytoryi nasielenych punktaŭ, a zatym pačniem abmierkavańnie vakoł žyćciova važnych terytoryj viosak i nasielenych punktaŭ. My ž nastojvajem, što siało — heta nie tolki jaho administracyjnaja častka, ale i terytoryi, nieabchodnyja dla žyćcia, i abhruntoŭvajem našu pazicyju», — padzialiŭsia Pašynian.
Jon dadaŭ, što meta ŭrada — praduchilić vajnu, i mienavita tamu było pryniata rašeńnie ab detalizacyi miežaŭ na hetych učastkach.
«My robim heta nie tolki ŭ intaresach Respubliki Armienija, ale i dla zabieśpiačeńnia biaśpieki takich viosak, jak Vaskiepar i Kiranc,» — skazaŭ na zakančeńnie jon.
Nahadajem, što ŭ vieraśni paśla dvuchdzionnaj vajny kapitulavaŭ Nahorny Karabach (u armianskaj tradycyi — Arcach), a 120 tysiač armianaŭ evakujavalisia ŭ Armieniju. Zatym Ilcham Alijeŭ u Chaškiendzi (były Ściepanakiert) uračysta ŭźniaŭ ściah Azierbajdžana, a ŭ lutym pakazalna prahałasavaŭ na daterminovych prezidenckich vybarach.
Ciapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary