Na try naftapierapracoŭčyja zavody, na jakija byli ździejśnienyja ataki na hetym tydni, prypadaje kala 12% mahutnaściej Rasii pa pierapracoŭcy nafty
Na Syzranskim naftapierapracoŭčym zavodzie ŭ Samarskaj vobłaści adbyŭsia pažar, paviedamlaje ahienctva «RIA Naviny» sa spasyłkaj na administracyju horada.
U vyniku ŭzharańnia nichto nie paciarpieŭ, pryčyna vyśviatlajecca.
Pažar pačaŭsia z-za napadu bieśpiłotnikaŭ.
«Pieršy dron atakavaŭ terytoryju naftapierapracoŭčaha zavoda ŭ Syzrani. Tam pačaŭsia pažar. Płošča ŭzharańnia składaje 500 kvadratnych mietraŭ», — piša Baza.
Pavodle źviestak vydańnia, u hety ž čas niekalki inšych dronaŭ atakavali Navakujbyšaŭski NPZ.
Rasiejskaje Minabarony ab napadzie bieśpiłotnikaŭ u Samarskaj vobłaści nie paviedamlała.
Z pačatku tydnia nie mienš za try bujnyja rasijskija NPZ padvierhlisia atakam dronaŭ. U sieradu byli atakavany Razanski naftapierapracoŭčy zavod i Navašachcinski zavod naftapraduktaŭ u Rastoŭskaj vobłaści. U aŭtorak, u vyniku traplańnia drona byŭ taksama paškodžany NPZ u horadzie Kstova pad Nižnim Noŭharadam, jaki naležaŭ «Łukojłu».
Jak padličyła ahienctva Bloomberg, na hetyja try NPZ prypadaje kala 12% mahutnaściej Rasii pa pierapracoŭcy nafty.
Krynica Ukrainskaj słužby Bi-bi-si ŭ siłavych strukturach zajaŭlała, što Ukraina z dapamohaj takich napadaŭ realizuje «padrabiazna praličanuju stratehiju pa pamianšeńni ekanamičnaha patencyjału Rasii». Aficyjna Kijeŭ nie braŭ na siabie adkaznaść za napady na zavody.
Kamientary