Biełarus atrymaŭ premiju Šredynhiera ad Aŭstryjskaj akademii navuk
Strukturny bijołah, bijachimik Leanid Sazanaŭ atrymaŭ premiju Ervina Šredynhiera, jakaja štohod uručajecca Aŭstryjskaj akademijaj navuk, piša «Biełarusy i śviet».
Premija, jakaja supravadžajecca hrašovym pryzam u 15 tysiač jeŭra, prysudžana ŭradžencu Biełarusi z farmuloŭkaj «za vydatnyja dasiahnieńni ŭ halinie strukturnaj bijałohii miembrannych białkovych kompleksaŭ».
Tłumačycca, što jaho daśledavańni pahłyblajuć razumieńnie pryčyn roznych zachvorvańniaŭ i tym samym zakładvajuć asnovu dla raspracoŭki efiektyŭnych preparataŭ dla baraćby ź imi.
Ukazanaja premija ŭručajecca za pažyćciovyja dasiahnieńni ŭ śfiery matematyki i pryrodaznaŭčych navuk. Jaje pieršym atrymalnikam u 1956 hodzie byŭ ułasna sam Ervin Šredynhier — adzin z zasnavalnikaŭ kvantavaj miechaniki.
Leanid Sazanaŭ naradziŭsia ŭ 1960 hodzie ŭ Breście. Vučyŭsia na kafiedry bijafiziki fizičnaha fakulteta BDU ŭ Minsku, potym atrymaŭ doktarskuju stupień pa bijafizicy ŭ MDU ŭ Maskvie.
Doŭhi čas pracavaŭ u Vialikabrytanii — u Birminhiemie, Łondanie i, narešcie, 18 hadoŭ u Kiembrydžy. Z 2015 hoda — prafiesar Instytuta navuki i technałohij Aŭstryi.
Apublikavaŭ kala 70 navukovych prac. Zjaŭlajecca členam Łondanskaha karaleŭskaha tavarystva. Viadomy adkryćciom pieršaj atamnaj struktury kompleksu I dychalnaha łancuha.
«Dla mianie asablivy honar atrymać dadzienuju premiju, bo mienavita kniha Ervina Šredynhiera «Što takoje žyćcio?», jakuju ja pračytaŭ u škole, natchniła mianie zaniacca bijafizikaj paźniej va ŭniviersitecie», — rastłumačyŭ łaŭreat.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary