«Ja napisała, što Krym naležyć Rasii». Biełaruska ździŭlenaja, čamu ŭ jaje ŭźnikli prablemy ŭ Litvie
Trahikamičnuju historyju hrodzienki Ludmiły Ždaniuk raskazvajuć litoŭskija ŚMI.
12 hadoŭ tamu hrodzienka Ludmiła Ždaniuk vyjšła zamuž za litoŭca i pierajechała da jaho žyć pad Druskieniki. Pry hetym praciahvała katacca da chvoraj maci ŭ Hrodna. Ź ciaham času Ždaniuk atrymała pastajanny dazvoł na žycharstva ŭ Litvie. Ale ciapier jaje pazbaŭlajuć dakumienta.
Pryčyna banalnaja: u kancy 2023 hoda žančynu paprasili ŭ ankiecie adkazać na pytańnie, jakoj krainie naležyć Krym — Rasii ci Ukrainie.
«U kancy ankiety było niekalki pytańniaŭ. Pieršaje hučała tak: «Ci padtrymlivajecie Vy ŭvarvańnie Rasii va Ukrainu?», i varyjanty adkazu — «tak» ci «nie». Pramiežkavych varyjantaŭ niama. Druhoje pytańnie: «Čyj Krym?». Varyjanty adkazu — «Rasii ci Ukrainy». Ja spačatku admoviłasia zapaŭniać ankietu, ale mnie skazali, što bieź jaje nie prymuć zajavu.
Ja zapoŭniła, napisała, što Krym naležyć Rasii», — raskazvała Ludmiła.
Paźniej ź joj dvojčy źviazalisia pradstaŭniki Departamienta mihracyi, prasili ŭdakładnić adkaz.
«Zatym mnie paviedamili, što maje dadzienyja vysłali ŭ niejki mižnarodny sud. Z 15 listapada rašeńnia niama, dazvołu na žycharstva taksama niama», — aburajecca biełaruska.
Ždaniuk pakul moža znachodzicca ŭ Litvie, tamu što atrymała vizu na paŭhoda — da lipienia. Adnak nadziei na atrymańnie dazvołu na žycharstva ŭ jaje bolš niama.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary