U Polščy prakuratura zapatrabavała da troch hadoŭ turmy fihurantam spravy ab kantrabandzie ź Biełarusi
U Biełastockim sudzie bok abvinavačvańnia zapatrabavaŭ ad adnaho da troch hadoŭ pazbaŭleńnia voli fihurantam spravy ab kantrabandzie cyharetaŭ ź Biełarusi. Vyrak čakajecca praz dva tydni. U datyčnaści da złačynstva abvinavačvajucca 17 asobaŭ, siarod ich — palaki i biełarusy, pierakazvaje «Biełsat» paviedamleńnie ahiencyi PAP.
Pavodle viersii śledstva, kantrabandnyja cyharety zavozili praz pamiežny punkt u Pałoŭcy ŭ 2017—2018 hadach. 18 asobaŭ dziejničali ŭ składzie arhanizavanaj złačynnaj hrupy. Ciapier fihurantaŭ 17, spravu adnaho vyłučyli ŭ asobnaje viadzieńnie.
8 abvinavačanych — byłyja supracoŭniki mytni i padatkovaj słužby. Jany, jak padličyła prakuratura, atrymali nie mieniej za 12 tysiačaŭ złotych (kala 3 tysiačaŭ dołaraŭ) za dazvoł pravozić kantrabandu.
Amal usie fihuranty viny nie pryznali i admovilisia davać tłumačeńni i adkazvać na pytańni. Tolki na apošnim pasiadžeńni suda 8 sakavika vystupili niekatoryja byłyja słužboŭcy, jany tolki pakazali na svaje šmathadovyja zasłuhi i ŭznaharody.
Prakuratura zapatrabavała pakarańnia ŭ vyhladzie pazbaŭleńnia voli na termin ad adnaho hoda ŭmoŭna da troch hadoŭ turmy, štrafaŭ u 40—50 tysiačaŭ złotych (10—13 tysiačaŭ dołaraŭ); dla kolišnich słužboŭcaŭ — zabaronu na pracu ŭ dziaržaŭnych ustanovach, jany taksama musiać viarnuć sumu chabaru.
Advakaty prosiać apraŭdańnia. Abaroncy, u pryvatnaści, asprečvajuć isnavańnie arhanizavanaj złačynnaj hrupy.
Pry hetym advakat adnaho biełarusa paskardziŭsia, što jahony klijent śviedčyŭ padčas śledstva, pryznaŭ vinu, adnak pakarańnie dla jaho zapatrabavali bolšaje, čymsia abiacali. Juryst paprasiŭ sud pryznačyć mienavita takoje pakarańnie, jakoje było ŭzhodniena z bokam abvinavačvańnia.
Na biełaruska-polskaj miažy časta znachodziać cyharety. Apošni raz pra bujnuju partyju kantrabandy paviedamlałasia na minułym tydni: supracoŭniki Małaševickaj mytni ŭ Lublinskim vajavodstvie vyjavili 241 tysiaču pačak koštam miljon dołaraŭ. Cyharety schavali ŭ hruzavym ciahniku.
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!39
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał88
Kamientary