Polskija pamiežniki ŭ 2023 hodzie zafiksavali rezki rost kantrabandy ź Biełarusi — bolš čym na 1000% pa asobnych pazicyjach, u toj čas jak hodam raniej nazirałasia źnižeńnie kolkaści kantrabandy. Prytym heta adbyvajecca na fonie pastajannaha ŭzmacnieńnia kantrolu na polska-biełaruskaj miažy, piša Rzeczpospolita.
Pavodle spravazdačy Hałoŭnaha ŭpraŭleńnia pamiežnaj słužby za minuły hod, bolš čym na 1000% vyrasła, u pryvatnaści, kantrabanda cyharet — było vyjaŭlena nielehalnych cyharet na 24 młn złotych (kala 20 młn biełaruskich rubloŭ u ekvivalencie), tady jak hodam raniej — usiaho na 2 młn złotych (kala 1,6 młn rubloŭ).
Jak adznačaje Rzeczpospolita, ustalavany na miažy Biełarusi i Polščy płot i arhanizavanaje ŭzdoŭž jaho dadatkovaje patrulavańnie «abmiežavała kantrabandu ludziej, ale nie spyniła arhanizavanyja złačynnyja hrupoŭki».
Pryčym, miarkujučy sa spravazdačy polskich pamiežnikaŭ, pavialičylisia abjomy kantrabandy ŭ tym liku i praź lehalnyja punkty propusku: za minuły hod supracoŭniki pamiežnaj słužby i inšych ustanoŭ kanfiskavali tavaraŭ, niezakonna ŭviezienych ź Biełarusi, na ahulnuju sumu 30 młn złotych (kala 25 młn rubloŭ), tady jak hodam raniej hetaja suma była ažno ŭ 5 razoŭ mienšaja — 5,8 młn złotych (kala 4,7 młn biełaruskich rubloŭ).
Pavodle źviestak polskich pamiežnikaŭ, u cełym u dva razy vyrasła kantrabanda na polskich miežach nie tolki ź Biełarusi, ale taksama z Ukrainy i Rasii. Ahulnaja suma vyjaŭlenaj kantrabandy na ŭsich troch kirunkach skłała amal 50 młn złotych (krychu bolš za 40 młn rubloŭ).
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary