Polšča pryniała rašeńnie madernizavać aharodžu, ustalavanuju na miažy ź Biełaruśsiu, zajaviŭ premjer-ministr krainy Donald Tusk 16 lutaha.
«Niekalki dziasiatkaŭ hadzin tamu razam ź ministram unutranych spraŭ i administracyi my pryniali rašeńnie chutka madernizavać aharodžu na miažy ź Biełaruśsiu», — skazaŭ polski premjer.
Pavodle jaho słoŭ, užo praduhledžana vydzialeńnie adpaviednych srodkaŭ z polskhaa biudžetu.
Tusk taksama paviedamiŭ, što kraina budzie nastojvać na vydzialeńni z fondaŭ Jeŭrasajuza srodkaŭ dla finansavańnia polskich rehijonaŭ, jakija paciarpieli ad zakryćcia miežaŭ pa pryčynie baraćby ź nielehalnaj mihracyjaj.
Aharodžy na miažy ź Biełaruśsiu pamiežnyja ź joj krainy Jeŭrasajuza pačali budavać padčas mihracyjnaha kryzisu vosieńniu 2021 hoda. Daŭžynia polskaha płota składaje 186 kiłamietraŭ, vyšynia — piać mietraŭ. Košt prajekta skłaŭ kala 400 miljonaŭ dalaraŭ. Aharodža abstalavanaja kamierami načnoha bačańnia, datčykami ruchu i inšymi elektronnymi srodkami sačeńnia i sihnalizacyi.
Tym nie mienš, praktyka pakazała, što ŭ aharodžy jość słabyja miescy, i nielehalnyja mihranty, časta pry dapamozie biełaruskich pamiežnikaŭ, mohuć, paškodziŭšy jaje, pierabracca na terytoryju Polščy. Madernizacyja aharodžy budzie skiravanaja na likvidacyju hetych niedachopaŭ.
Ciapier čytajuć
Babaryka: Kali b my pieramahli — vajny va Ukrainie nie było b20
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary