Idzie ŭ adstaŭku Viktoryja Nułand — čynoŭnica, demanizavanaja rasijskaj prapahandaj
Namieśnica dziaržaŭnaha sakratara ZŠA pa palityčnych pytańniach Viktoryja Nułand idzie ŭ adstaŭku, paviedamiŭ dziaržsakratar Entani Blinkien u zajavie, apublikavanaj na sajcie Dziarždepartamienta ZŠA 5 sakavika.
«Viktoryja Nułand paviedamiła mnie, što płanuje ŭ najbližejšyja tydni pakinuć pasadu namieśnicy dziaržsakratara pa palityčnych pytańniach», — paviedamiŭ Blinkien.
Jon padziakavaŭ svajoj namieśnicy za pracu i adznačyŭ, što Nułand prabyła na dziaržsłužbie «try z pałovaj dziesiacihodździ» i pracavała pry šaści prezidentach i dziesiaci dziaržsakratarach ZŠA.
«Jaje namahańni byli niezamiennyja dla supraćstajańnia poŭnamaštabnamu ŭvarvańniu Pucina va Ukrainu, farmavańnia hłabalnaj kaalicyi dla zabieśpiačeńnia jahonaj stratehičnaj parazy i akazańnia dapamohi Ukrainie ŭ dasiahnieńni taho dnia, kali jana zmoža ćviorda stać na nohi — demakratyčna, ekanamična i ŭ vajskovych adnosinach», — havorycca ŭ zajavie.
Postać Viktoryi Nułand zajmaje asablivaje miesca ŭ sistemie rasijskaj antyzachodniaj prapahandy. U śniežni 2013 hoda jana jak pradstaŭnica Dziarždepartamienta ZŠA pryjazdžała ŭ Kijeŭ, dzie ŭ toj čas pačaŭsia Jeŭramajdan, i tam razam z tahačasnym amierykanskim ambasadaram va Ukrainie Džefry Pajetam častavała mitynhoŭcaŭ sendvičami, bułačkami i piražkami. Hetyja pradukty ŭ interpretacyi rasijskich prapahandystaŭ pieratvarylisia ŭ «piačeńki» i stali dla ich simvałam taho, što zmahańnie ŭkraincaŭ za volu i niezaležnaść nibyta prapłačanaje zachodnimi «lalkavodami».
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary