Namieśnica dziaržsakratara ZŠA Viktoryja Nułand u kamitecie Sienata ZŠA pa mižnarodnych adnosinach nazvała rasijski hazapravod «Paŭnočny patok — 2» «kavałkam mietału, jaki spačyvaje na marskim dnie», piša Bi-Bi-Si.
«Ja dumaju, «Paŭnočny patok — 2» ciapier miortvy, — zajaviła Nułand. — Nie dumaju, što jaho niechta kali-niebudź uvaskrasić».
Raniejšy ŭrad Hiermanii šmat hadoŭ adkazvaŭ admovaj na zakliki Ukrainy, uschodniejeŭrapiejskich krain, ZŠA i mnohich jeŭrapiejskich palitykaŭ spynić hety prajekt koštam u 11 młrd dalaraŭ.
Novy ŭrad Ołafa Šolca spačatku prypyniŭ siertyfikacyju hazapravoda, a zatym, kali Rasija napała na Ukrainu, zajaviŭ, što siertyfikacyi i nie budzie.
«My z partniorami i sajuźnikami pracujem nad tym, kab minimizavać udar pa hłabalnych pastaŭkach enierhii i nie dać Rasii pieratvaryć svoj ekspart enierhanośbitaŭ u zbroju», — skazała ŭ aŭtorak Nułand.
Nułand vykazałasia i adnosna prapanovy Polščy pieradać svaje źniščalniki «MiH-29» amierykanskim siłam na bazie NATA ŭ niamieckim Ramštajnie ŭ adkaz na prośbu Ukrainy pasłać joj samaloty.
«Nakolki ja viedaju, z nami heta nie było ŭzhodniena», — skazała jana.
Ananimny pradstaŭnik NATA skazaŭ ahienctvu «Rejters», što vylet bajavych samalotaŭ z bazy NATA dla apieracyj va ŭkrainskaj pavietranaj prastory «moža prynieści surjoznyja prablemy ŭsim krainam aljansa».
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary